2 Samuweli 5:10 - Mazu Otchena a Mulungu

¹⁰ Evale Davi umwene waye woulukulave, na mwasa oira Yehova Mulugu wa Makuru Matene ali na liye.

2 Samuweli 5:10 ပူးပေါင်းရင်းမြစ်များ

Jenesesi 21:22

Mwa tempu yenne mulombwana Abimeleki na musogolrelri mundimuwa wa anyakondo aye aitaniwa Fikoli, kohodowaga wa mulombwana Abarahamu. Kagafiyile wa Abarahamu, Abimeleki ohowongaga eraga: <<Miyo nnaona ira Mulugu uli na weyo mwa jatene jinaira we.

2 Samuweli 3:1

Fwanyeya ira kondo imohive yenne yohotatamulaga kondo yomala malambo madjindjene mwa akuda Sawuli na akuda Davi. Mwa enne muwari mowana mule, anyakondo a Davi kopolo diwa dodowave sogolro mbwenye anyakondo a akuda Sawuli, aliwa kopolo diwa dowelela mundulri.

2 Samuweli 7:9

Eto miyo dalive na weyo mwatene mwavira we eto dahatolotcha amwidanawo atene vamentoni vawo! Eto eni miyo nnoza diulukulihe nzina nawo ira nikale nnga mazina a andimuwa andimuwa anafwanyeya mwilamboni ya vati!

2 Samuweli 8:14

Davi agagondjihile, osakanyaga mabazi a anyakondo aye muwari mwa ilambo yatene ya Edomu. Evale akuda Edomu atene kohokala anamalaba a Davi. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.

2 Samuweli 8:6

Davi agaagondjihile, ohosakanyaga mabazi a anyakondo aye sidadi ya Damaxiku muwari mwa akuda Siriya. Evale akuda Siriya kohokala anamalaba a Davi, aliwa roma mpagalrigi misoko. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Lukaji 2:52

Yesu ohoulukula. Zelru daye doulukulave. Liye oziveliwiwa na Mulugu eto oziveliwiwa na atu.

Roma 8:31

Kodi nnafuna niwonge avi muwari mwa jatene eji? Akala Mulugu gunanisogolrelra, kodi bani unafuna nigondjiha?

1 Samuweli 18:12

Yehova ohiya musogolrelra Sawuli, liye roma dowa kalaga na Davi. Na mwasa wenne, mwene Sawuli omuova Davi.

1 Samuweli 18:14

Jatene jasakanya Davi jokwakwanela mwasiwa Yehova ali na liye.

1 Samuweli 18:5

Mwa enne Davi odowetcha mwatene mwene mwamurumetcha mwene Sawuli eto mwatene mwavira liye ogondjiha. Evale Sawuli ohomuhambiha Davi ira akale musogolrelri wa nikuru nimohi na anyakondo aye. Andimuwa atene, vamohi na alombwana atenene a Izarayeli kagaonne ira Sawuli umuhambiha Davi undimuwa, atene kohoziveliwaga valukulu.