2 Samuweli 3:8 - Mazu Otchena a Mulungu

⁸ Evale Abineri agavwile enne, ohotakaleliwaga valukulu. Mwa enne ohonfuka Isbozeti eraga: <<Kodi weyo unaumbuwela ira miyo dili muru wa mwanambwa ofuna ja nlogo na Juda? Eto miyo fiyeda peno nnaairela upama atu a umwene wa babawo Sawuli na abalaye atene na afwaye atene. Eto miyo gunaukamihedetcha ira wahawande gondjihiwa na mwene Davi. Eto vazulu va jatene jejo kodi peno weyo unafuna udisanyege na mwasa wa muhiyana mmohi bahi?

2 Samuweli 3:8 ပူးပေါင်းရင်းမြစ်များ

2 Samuweli 16:9

Abizayi mwana Zeruwiya agamuonne mulombwana Simeyi amutembelrelraga mwene Davi na makalelo anne, ohowongaga na mwene Davi, liye ira: <<Kodi mwasiwa gwa nni mwanambwa okwa ha wenna liye za utembelrelragani nyo mbwiyeni so mwene? Kadihiyeni miyo ira dimugwade muru waye!>>

2 Samuweli 2:8

Fwanyeya ira Sawuli agakwile, Abineri mwana Neri wenno ali musogolrelri mundimuwa wa anyakondo a mwene Sawuli, ohomutukula Isbozeti mwana Sawuli, liye mudowana sidadi ya Mahanayimi, kombela ya muhindje Jordawu.

2 Samuweli 3:18

Peno mbwenye tempuwa ihifiya ira nyo mmuhambihe. Tchoira Yehova ohowonga ira: <Miyo nnafuna daawombole atwaga mmandani mwa amwidaniwa aFilistewu na mmandani mwa amwidanaga atene muwari mwa Davi.> >> Evale andimuwale kohorumela.

2 Samuweli 3:9

Tchoira Yehova oholumbela voroma vene ira: <Sogolro nnafuna dimuwake Sawuli vamohi na ahimaye umwene waye dinvahede Davi ira atongege aJuda vamohi na aIzarayeli ira Davi atongege ilambo ya Izarayeli yatene kuma ilambo ya Dani fiyeda ilambo ya Beriseba.> Mbwenye jatene jejo jalumbenle Yehova unafuna kwakwaneliheda gu miyo. Miyo peno nnolumbela ira dahauwake umwene unna we, Mulugu aditonge dagali Abineri na makalelo anafuna liye!>>

2 Samuweli 5:2

Hiya yennove, wanle Sawuli ahanakwe, agali mwene wehu, gu nyenne aasogolrelretcha anyakondo a Izarayeli kadowaga kondoni nari kakumaga kondoni. Eto nyo mohowandeliwa na Yehova Mulugu ira: <Sogolro weyo unoza waakumbuzege atwaga aIzarayeli eto unokala musogolrelri wewa.> >>

2 Samuweli 9:8

Davi agawongile enne, mulombwana Mefibozeti ohokokoraga, aoramihedaga kove yaye vati, liye wakula eraga: <<Mbwiyeni miyo dagali mulombwana Mefibozeti nnafwanyeya dagali nnga mwanambwa okwene. Nnga miyo dili ani ira nyo mudiirele eno?>>

2 Amwene 8:13

Evale Hazayeli ohowongaga eraga: <<Kodi miyo namalaba wenyu nnawande irana avi jokala ha jejo? Tchoira miyo nnaoneya nnga dili mwanambwa bahi.>> Evale Elizewu ohowakulaga eraga: <<Yehova udionihile ira weyo unoza ukale mwene wa Siriya.>>

Izaiya 37:23

Kodi umpokihile ani eto umululuvihile ani? Kodi uhumuiziwa wenno wamukuwela we na mazu ogwela na wenno wamuing'aniheda we meso awo zulu? Jatene ejo wadiirela miyo Mulugu Otchena wa Izarayeli.

Detoronomiyo 23:18

Eto nne kakalevo unafuna dowagana muNyumbani mwa Yehova Mulugu wenyu kobiri dedo nnakumela muwari mwa uputa mule ira avelele muwari mokwakwaneliheda yolumbela yaye na Yehova. Tchoira jatene ejo jinafwanyeya jagali jengo jotakaletchetcha wa Yehova Mulugu wenyu.

1 Samuweli 15:28

Mwa enne Samuweli ohowongaga, liye ira: <<Peno Yehova uhukawula umwene wawo oatonga aIzarayeli, uhumusaka mutu mmohiwa wapama ira atongege hiyaniha na weyo.

1 Samuweli 17:43

Mwa enne nFilistewu ule ohonfukaga Davi eraga: <<Kodi imiri unna we mmandani mwawo unaumbuwela ira: <Wenne gu mwanambwa, nnafuna dinkomena?> >> Nomala eno, nFilistewu ule ohomutembelrelraga muzombwe Davi na mazina a amilugu aye.