2 Samuweli 3:39 - Mazu Otchena a Mulungu

³⁹ Miyo mbwenye masiki dagalive mwene osakulriwa na Yehova, miyo peno kadinna kopolo doakwaranya ahima a Zeruwiya ala na uwali unna atu. Yehova amutonge mutu wabure zela ibure iirile liye.>>

2 Samuweli 3:39 ပူးပေါင်းရင်းမြစ်များ

2 Samuweli 16:10

Mwene Davi mbwenye ohomuwakulaga mulombwana Abizayi eraga: <<Miyo kadinna pandi na nyo ana Zeruwiya! Akala umurumile gu Yehova ira aze aditembelrelre, kakalevo unafuna fuka zela jeji!>>

2 Samuweli 19:13

Eto noira enne, Davi ohawandelaga anamakuta amohive anne eraga: <<Mudowe eto mwamuwandele mulombwana Amasa muire: <Kodi weyo Amasa kuli makuva aga na maningo aga? Miyo nnolumbela na nzina na Yehova ira weyo unokala musogolrelri mundimuwa wa anyakondo aga kuma peno dowaga sogolro vamalroni va mulombwana Jowabe! Miyo dahairena eno mbwenye Mulugu aditonge na makalelo anafuna liye!> >>

2 Samuweli 19:22

Mbwenye Davi ohomusumululaga eraga: <<Miyo kadinna pandi na nyo ana Zeruwiya. Nnga mwasiwa gwa nni nyo funaga kala amwidanaga? Miyo peno dili mwene wa Izarayeli, nona peno kalivo muIzarayeli unafuna kwa!>>

2 Samuweli 3:38

Noira enne, mwene Davi ohowongaga na anamalabaye atene eraga: <<Kodi nyo kamuiziwile ira peno muwari mwa aIzarayeli uhukwa musogolrelri, mulombwana mulukulu?

1 Amwene 2:32

Yehova unamuweliheda kunyakunya zela sangiri natatila liye. Tchoira Jowabe ohapa na supada alombwana ambinli ofuneya eto apama omukwaranya liye, ahali mofuna mwa babaga Davi. Liye umpile mulombwana Abineri mwana Neri wenno ali musogolrelri mundimuwa wa anyakondo a Izarayeli na mulombwana Amasa mwana Jeteri wenno ali musogolrelri mundimuwa wa anyakondo a Juda.

1 Amwene 2:9

Mbwenye weyo umbalre nnga mutu okana mulandu. Tchoira weyo uli mulombwana wa toto, unoiziwa inafuna we muirela. So mbwenye masiki agalive mutu oulula enne, inafwanela umpe ira adowe Nimburo na Anokwa muwari mopiwa.>>

1 Koronika 22:5

Davi agumanihetcha jatene ejo moumbuwela ira: <<Mwanaga Salomawu gu muzombwene eto kanarome mangiha jokala ha jeji. Nyumba unafuna liye mmangela Yehova inafuna ikale yotitimiheya, yovweya eto yoteteliwa mwilamboni yatene ya vati. Na mwasa wenno inafwanela divayele gumaniha fwaramento domangana nyumba yenno.>> Mwa enne Davi ahanakwe, ohovayela gumaniha fwaramento didjindji dene.

1 Koronika 29:1

Nomala enne, mwene Davi ohowongaga na atu atene eraga: <<Mulugu umusakunlre mwanaga Salomawu eka ira amange nyumbaye. Mbwenye liye unafwanyeya agali muzombwe eto kalemenle jengo jidjindji, eto mabasala ba malukulu, mwasiwa palasiyo inafuna liye manga kahi palasiyo ya mutu nari, tcha Yehova Mulugu.

Ezodu 21:12

<<Mutu uli watene unambubude nfwaye ante nfwaye ule afiyeda kwa, na liyene apiwe.

Izaiya 3:11

Udilu wa atu abure! Jengo jiwa kajiza jaawendelaga pama, tchoira jabure jejo jinera atu ti jejo jinafuna za awelela.

Izaiya 7:4

Wamuwandele Akazi ira akale owendjelene eto akale pee eto ahaove eto ahakukumuwe mmirimani mwaye na mwasa wa uwali wa Rezimi na akuda Siriya afwaye na Peka mwana Remaliya. Aliwa anakala nnga kuni dotuwela utchi bahi.

Daniyeli 6:16

Mwa enne mwenole oharumaga atu, aliwa mudowela mulombwana Daniyeli. Agazile, kohomuhindaga, aliwa dowa nvokeda mmulihani mwali apodogoma. Noira eno, mwenole ohomuwandelaga Daniyeli eraga: <<Mulugu wawo wenno unamulaba we malambo matene, akale wenno unauvunele!>>

Roma 13:4

Tchoira andimuwa analaba mabasa a Mulugu ira we ukale pama. Mbwenye we waira yabure, waaovege. Tchoira andimuwa mwilamboni muno anawenda na masupada. Eto masupadale kinawendelana vasayi, mbwenye anawendana ira kalabegena. Aliwa ba anamalaba a Mulugu, ba aliba weliha kunyakunya daye, banamuoniha uwali wa Mulugu ule unera jabure.

2 Timoteyo 4:14

Alexandiri wenno unafwanyeya agali namahana momba ohodiirela ubure wohokala wa masika. So unafuna mutambilriha zela jabure jaye gu Nabwiya.

Anamasogolrelra 9:57

Eto Mulugu ohaweliheda akuda Sikemu ubure watene wairile atu vamuru vewa. Mwa enne matembelrelro matene awongile mulombwana Jotawu mwana Jerubaali, kohoza afwanya aliwa nnga mwemo mwawongele liye.