2 Samuweli 3:3 - Mazu Otchena a Mulungu

³ Wanembinli aitaniwa Kileyabi, wenno ambanle liye na muhiyanaye Abigayeli, wenno ali mwadi Nabali nkuda Karimele. Mwana waneraru aitaniwa Abisalawu, wenno ambanle liye na Maka mwana Talimayi, mwene wa Jesuri.

2 Samuweli 3:3 ပူးပေါင်းရင်းမြစ်များ

2 Samuweli 13:1

Abisalawu mwana Davi ohomukana murongoliye oriya bure wenno aitaniwa Tamari. Vagamanle malambo, Aminoni mwana Davi ohoroma nfuna murongoliye Tamari ule.

2 Samuweli 14:23

Noira enne, mulombwana Jowabe ohomaruwaga, liye dowa ilambo ya Jesuri, mutukula mulombwana Abisalawu, muzana sidadi ya Jeruzalemu.

2 Samuweli 14:24

Abisalawu agafiyile Jeruzalemu, Davi ohokumiha mazu oira: <<Liye kaze vamentoni vaga. So adowe akale vande vaye.>> Noira enne, mulombwana Abisalawu ohodowaga, liye roma kalaga vande vaye eto kadowile vamentoni va mwene.

2 Samuweli 14:32

Abisalawu ohomuwakula Jowabe ira: <<Miyo dohourumiheda milanyo ira uze uno. Tchoira miyo dafuna durume ira udowe wa mwene eto weyo kuzilewo. Miyo duitanihaga ali ira durume udowe wa mwene, wawonge ira: <Mwanawo Abisalawu unafuka ira kodi mwasiwa gwa nni mudiwelihagawo ilambo ya Jesuri? Yali yapama mwahadihiyilege dikalaga wewule!> Nona miyo nnafuna didowe vamentoni va mwene damwinnya, liye adifwanyana yabure, aire dipa wene.>>

2 Samuweli 15:7

Mwa enne vagavirile yaka nnayi, mulombwana Abisalawu ohodowaga muwongana mwene Davi eraga: <<Miyo dera mudirumelihe didowe sidadi ya Eboroni, dakwakwanelihede yolumbela yalumbenle miyo na Yehova.

2 Samuweli 15:8

Mwasiwa miyo namalaba wenyu dikalaga Jesuri mwilamboni mwa Siriya, doholumbela wa Yehova ira: <Yehova mufiyeda diweliheda muJeruzalemu akoka, miyo nnoutamalelani muwari movelela mukuto!> >>

2 Samuweli 18:33

Evale mwene Davi agavwile enne ohokumbanyaga valukulu. Evale ohovenya, liye roma gwela sala yenno yafwanyeya vazulu va mulango vale. Adowaga onlaga eraga: <<Mwanaga Abisalawu! Mwanaga, mwanaga Abisalawu! Yali yapama miyo dahakwe vamalroni vawo mwanaga Abisalawu, mwanaga, hiya weyo kwa!>>

2 Samuweli 2:2

Mwa enne Davi ohomaruwaga, liye dowaga Eboroni. Liye adowaga wewule, ohatukulaga ahiyanaye ambinlene, mmohi wenno aitaniwa Ainowa, nkuda Jezereli na Abigayeli, wenno ali mwadi marafula Nabali nkuda Karimele.

1 Amwene 1:6

Eto fwanyeya ira malambo a mundulrimu mulombwana Adoniya airana yengo yabure, babaye Davi kamusumululetcha. Adoniya eto afwanyeya agali mulombwana oriyetchetcha. Eto fwanyeya ira zela baliwa waye, Adoniya ali wenno amuharile marafula Abisalawu.

1 Amwene 2:15

Evale Adoniya ohoromaga wonga eraga: <<Nyo muhumala iziwa ira miyo gwafuna kala mwene eto aIzarayeli atene kadediha ira unafuna hambihiwa umwene gu miyo. Mbwenye jiireyile ti jimohi jiwa jene jejo jahaing'anela hiyo, mbalaga uhambihiwa mwene wa aIzarayeli, mwasiwa ali funa wa Yehova.

1 Koronika 3:1

Ala ba anapongwe a Davi anno kabaliwe Eboroni: Murandji baliwa aitaniwa Aminoni, wenno ambanle liye na Ainowa wa Jezereli. Wanembinli aitaniwa Daniyeli, wenno ambanle liye na Abigayeli wa ilambo ya Karimele.

1 Koronika 3:2

Waneraru ali Abisalawu, wenno mmayiwa ali Maka mwana Talimayi mwene wa Jesuri. Wanennayi aitaniwa Adoniya, wenno mmayiwa ali Ajite.

Detoronomiyo 3:14

Mulombwana Jayire wa muibalini mwa Manasesi ohogondjiha pandi yatene ya ilambo ya Arigobe. Ku wonga agondjihile ilambo ya Bazani fiyeda madilre a akuda Jesuri na akuda Makate. Mwa enne ohovaha ilambo ile nzina naye, aliwa itanaga Sidadi da Jaire, fiyeda siku na peno.)

Jozuwe 13:13

Mbwenye akuda Izarayeli tchaatamangihile aJesuri na aMakate. Aliwa na vanove anakala muwari mwa Ana Izarayeli fiyeda siku na peno.

1 Samuweli 25:42

Mwa enne Abigayeli ohovenyaga mobaranya, liye dowa gwela vaburuni vaye. Eto ohatukulaga anamwali aye kamulaba, liye adowagana. Kohogundeya vamohi na anamalaba a Davi ale, liye dowa kala mwadi Davi.

1 Samuweli 27:8

Muwari mwa tempu yamanle liye muwari mwa aFilistewu, Davi vamohi na atwaye kodowetcha labaga ja umadjuba mwilamboni mwa akuda Jesuri, akuda Jirizi na akuda Amaleki. Atene anna kakala pandi da ilambo ya Suri ante ilambo ya Ijipitu romave wanle.