2 Samuweli 3:14 - Mazu Otchena a Mulungu

¹⁴ Eto noira enne, mwene Davi oharuma atu na milanyo wa Isbozeti mwana Sawuli amuwandelaga eraga: <<Miyo nnafuna udivahede muhiyanaga Mikali wenno damutenle miyo na joinela 100 ja aFilistewu.>>

2 Samuweli 3:14 ပူးပေါင်းရင်းမြစ်များ

2 Samuweli 2:10

Tempu yenne Isbozeti mwana Sawuli ahambihiwaga umwene anna yaka 40. Evale liye agahambihiwe, ohoroma atonga aIzarayeli fiyeda yaka mbinli agalive mwilamboni mwa Mahanayimi mule. Mbwenye Isbozeti tempu yaatonga liye aIzarayeli, mwa tempu yenne atu a muibalini mwa Juda katongiwa na Davi.

2 Samuweli 3:15

Fwanyeya ira tempu yenne Mikali ateliwe na Palitiyeli mwana Layiji. Mwa enne Isbozeti agavwile zela mazu a Davi oira: <<Miyo nnanfuna muhiyanaga Mikali>>, ohodowaga, liye muwaka mamunaye Palitiyeli.

2 Samuweli 6:16

Mwa enne kavolowagana Kaxa ya Yopangana ya Yehova ile musidadi, mwadi Davi wenno aitaniwa Mikali mwana Sawuli, ohoing'anelaga vajanelani, liye muona mwene Davi ainaga, alupalupaga vamentoni va Yehova. Mbwenye agamuonne ohomulramwisaga mmirimani mwaye, liye hamuonaga nnga yengo.

Matewuji 1:18

Baliwa wa Yesu Kiristu yaireyile eni: Mariya mmaye Yesu ohobanyelriwa na mulombwana mmohi eriwa Joze. Mwa enne kagabanyelranne, kahanarome gona vamohi, mwa tempu yenne Mariya ohofwanyeyana vambani mwa kopolo da Munemba Otchena.

1 Samuweli 18:25

liye ohowongaga ira: <<Mudowe mwamuwandele Davi ira: <Mwene pete inafuna liye ira umutelena mwanaye, liye kanafuna kobiri, so unafuna udowe waape aFilistewu okwakwana 100, amala waagwade tembe nnakala sogolro wa yano ya ilombwana, jogwada jiwa uzena uno. Liye unafuna airena eno ira aawelihede kunyakunya aFilistewu.> >> Sawuli airaga jatene jejile, yobalra yaye yali yoira: <<Miyo nnafuna diirena eni ira mulombwana Davi tempu inadowege liye wana, adowe apiwe na aFilistewu kondoni.>>

1 Samuweli 18:27

mulombwana Davi na alombwana aye kohovenyaga, aliwa dowa apa aFilistewu 200. Mwa enne liye ohagwadagawo jafuna mwene jile, nomala eno ohotukulaga jatene, liye dowa nvaheda mwene Sawuli ira atele. Evale Sawuli ohonvaheda mwanaye Mikali, liye mutela.

1 Samuweli 25:44

Tchoira tempu yenne Sawuli amutukunle mwanaye Mikali wenno ababihile kala mwadi Davi, liye nvaha mulombwana Paliti mwana Layiji, wa sidadi ya Galimi, liye mutela.