2 Samuweli 24:25 - Mazu Otchena a Mulungu

²⁵ Noira enne, Davi ohodowaga manga ibuwa ya mukuto wa Yehova eto ohovelelaga mikuto dotumeya na jovelela ja murendele. Mwa enne Yehova ohorumelaga yovepa ya Davi. Evale ubure watene wanna atu muIzarayeli mwatene wohomala. Kukala mazu a livuru na 2 Samuweli.

2 Samuweli 24:25 ပူးပေါင်းရင်းမြစ်များ

Jenesesi 12:7

Evale Yehova ohomutwanyuwelaga mulombwana Abaramu, liye muwandela ira: <<Miyo nnouvaha ilambo yenna ira ikale ya ahimawo a musogolro.>> Noira enne, Abaramu ohomanga evale ibuwa ya mukuto wa Yehova wenno amutwanyuwenle.

Jenesesi 22:9

Kagafiyile nimburo nenne namutonyihedile Mulugu nne, Abarahamu ohokunga ibuwa ya mukuto, tandavo kuni. Eto ohommanga mwanaye Izaki, muhela vaibuwani vale, vazulu va kuni dile.

Jenesesi 8:20

Evale Nowe ohomanga ibuwa ya mukuto ira avelele mikuto wa Yehova. Muwari mwa vinyama datene dapama na mbalrame datene dapama, liye oholanda imohi, imohi, liye pa, avelelaga mukuto otumeya vazulu va ibuwa vale.

2 Samuweli 21:14

Mwa enne kohotimbelaga makuva a Sawuli ale na makuva a Jonata mwilamboni mwa Benjami, tatamo ya Zela wewo wakoyiwe mulombwana Kixi Sawuli babaye. Fwanyeya ira aliba rumiwa ale kohoirana jatene nnga mwawongele mwene Davi. Jagamanle ireya enne Mulugu ohorumelaga jolobela ja atu zela ndala yafwanyeya mwilamboni mule.

2 Samuweli 24:14

Evale mwene Davi ohomuwakulaga namafiyiheda Gadi, liye ira: <<Miyo dili mmakatamihoni eni. Yapamiwa evo inafwanela nigwele mmandani mwa Yehova, mwasiwa Yehova gwa tangaranga dilukulu. Mbwenye ira nigwele mmandani mwa amwidani, kanifunile.>>

1 Amwene 1:1

Mwene Davi ohomala ulula, aganna yaka didjindji. Evale anamalaba aye komukunelana manta, mbwenye masikive eno liye oona didila.

Anamasogolrelra 21:4

Mwa enne mmetcheloni muwa mulogo watene wohovenyaga na mabebehene, aliwa sakanya ibuwa ya mukuto, aliwa velela mikuto dotumeya vamohi na jovelela ja murendele.

Anamasogolrelra 6:24

Noira enne Jideyawu ohommangelaga Yehova ibuwa nimburo nenne. Ohovaha ibuwele nzina noira Yehova gu Murendele. Ante fiyeda siku na peno ibuwele inafwanyeya Ofara wewule sidadi ya akuda Abiyezeri.

1 Samuweli 13:9

Evale nzuwa nahanavire, mwene Sawuli ohowongaga, liye ira: <<Muzena jovelela ja mukuto otumeya vamohi na jovelela ja murendele.>> Evale aliwa kohozagana, Sawuli liye velela mukuto.

1 Samuweli 14:35

Evale Sawuli ohosakanya ibuwa ya Yehova. Ibuwa yenne yali ibuwa yoroma yasakannye mwene Sawuli.

1 Samuweli 7:17

Amala tonga milandu dile, owelela waniwa sidadi ya Rama eto wewule oasogolrelra aIzarayeli. Eto Samuweli ohomangawo ibuwa ya Yehova ilambo ya Rama ule.

1 Samuweli 7:9

Noira eno, Samuweli ohotukula mwana nibila ning'onong'ono nowamwa, liye pa, mala tumeya natene nenne, sakanya mukuto wa Yehova. Liye nvepa Yehova ira aakamihede aIzarayeli. Evale Yehova ohorumela yovepa ya Samuweli.