2 Samuweli 24:16 - Mazu Otchena a Mulungu

¹⁶ Nomala eno, mungelro otolotcha ule agawongonle muwono waye ira atolotche Jeruzalemu, Yehova eto omuhiyiha mungelrole yabure yafuna liye ira. Liye kwi: <<Ikwakwana! Kakumihawo ndanda nawo.>> Fwanyeya ira ora yenno Mungelro wa Yehova ule afwanyeyaga nimburo nobubudavo jalo na mulombwana Arawuna nkuda Jebuzi.

2 Samuweli 24:16 ပူးပေါင်းရင်းမြစ်များ

Jenesesi 10:16

Muwari mwa mulombwana Kana puzile baliwa akuda Jebuzi, aAmore, aJirigazi;

Jenesesi 6:6

Mwa enne Yehova ohokumbanya ira: <<Dairele nni vale dimusakanyaga mutu, dimuhelaga mwilamboni ya vati?!>> Liye kukumuwaga mmirimani mwaye.

2 Samuweli 24:18

Siku nimohive nenne namafiyiheda Gadi ohozaga wa Davi liye muwandela ira: <<Uvenye udowe, wammangele Yehova ibuwa ya mukuto, nimburo nobubudavo jalo na mulombwana Arawuna, muJebuzi.>>

1 Amwene 19:4

Agamuhiyile namalabaye ule, liye ohovolowelaga mukokolani, liye roma wenda siku nompumbula. Mwa enne ohodowaga, liye garati vati va nfulri wa mwana mutengo mmohi eni. Agagaratile evale, oholobelaga avepaga ukwa eraga: <<Ante va, ikwakwana. So Yehova diwakeni ingumi yaga, tchoira miyo kadili wapama akwaranya makolo aga.>>

2 Amwene 19:35

Mahiyu mamohive anne Mungelro wa Yehova ohovenyaga dowa apa anyakondo vamisasani va akuda Asiriya atu okwakwana 185.000. Fwanyeya ira na mabebehene anyakondo amohiwa ohala ale kavenyaga, kaafwannyege afwiwa okwene gwembelre gwembelre vati.

1 Koronika 1:14

Muwari mwa mulombwana Kana puzile baliwa akuda Jebuzi, aAmore, aJirigazi;

Ezodu 12:13

Sangiri nnafuna nyo zoliha kaxilu nnoza nikale ionihedo vili nyo na nyumba munakala nyo. Daonave sangiri, nnerege uvirani eto ntembelrelro nnafuna miyo airela aIjipitu kannaufwanyani.

Ezodu 12:23

<<Tchoira Yehova unafuna avire ira aape aIjipitu. Mwa eno, liye aviraga, aona sangiri munafuna nyo zoliha kaxilu ya musuwo, wu na wu na vazulu, Yehova unovira eto kanamuhiya namatolotcha waye ira avolowe mmba mwenyu ira aape ahiminyu arandji baliwa.

Ezodu 32:14

Evale Yehova ohovwa yovepa yaye, kairilena ubure watene wafuna liye airela atwaye.

Ezodu 9:28

Nnauvepani ira mudowe mwalobele wa Yehova. Tchoira jabure jatene jidifwanyile zela ndari na muzongwe wa maralaza jinaruma Mulugu ji, jihikwakwana. Miyo nnouhiyani mudowege ira mwahakaleve mwemuno.>>

Izaiya 27:8

Yehova ohopima matongelo a aIzarayeli eto aatongile ira kadowe kakale azari ilambo imohiwene. Liye ohakumihamo na mwelra waye wa uwali nnga makata katamangihiwaga siku na nipevo nokaha nokumela makumelo wa nzuwa.

Izaiya 57:16

Miyo kadiza dikangana na aliwa kala no kala. Eto nne kadiza ditakaleliwa zela aliwa tempu datene, tawiha ira daira eno, atu ovuma daapandutchile miyo anamale kwamo.

Markuji 14:41

Evale ohozaga fendo yaneraru, liye afwanya kagonagave. Evale ohawandelaga eraga: <<Kodi munagonave eto munaave vuma? Ihikwakwana, tchoira oriwa ihifiya. Mwana wa Mutu unafuna avahediwe mmandani mwa atu otega.

Joira ja Anamarumiwa 12:23

Aliwa kakuwaga enne, tempu imohive yenne Nabwiya ohomuruma mungelro waye za mporotcha Erodi mwasiwa liye kamutitimihile Mulugu. Evale mbani mwaye mohofiyeda djiwa anamingu, liye mariheya.

1 Korinto 10:10

Teto kanikaleni atu omung'ong'oha Mulugu. Tchoira na mwasa omung'ong'oha Mulugu, ukala maliba atolotcha atu Mulugu amurumile liye, wenno adowile atolotcha atu atene kamung'ong'ohile.

2 Korinto 2:6

Zela mutu wenno, malringana matongelo a nyo anamwindji mwamutongele nyo, kohokwakwana matongelo anno.

Jozuwe 15:63

Mbwenye nlogo wa Juda tchawandile atamangiha aJebuzi kakaletcha sidadi ya Jeruzalemu. AJebuzi ale anakala na akuda Juda fiyeda siku na peno.

Anamasogolrelra 1:21

Mbwenye atu a nlogo na Benjami aliwa tchaatamangihile aJebuzi anno kakala Jeruzalemu. AJebuzi ale anakalave vamohi na atu a nlogo na Benjami muJeruzalemu emule fiyeda siku na peno.

Anamasogolrelra 19:11

Tempu yafiyaga atu sidadi ya Jebuzi ule, ali nzuwa nifunaga vira. Mwa enne muzombwe ule ohomuwongana patarawaye ule, liye ira: <<Ndoweni nivolowe sidadi ya akuda Jebuzi ila, nagone mwemu.>>

1 Samuweli 15:11

<<Miyo nnokumbanya na mwasa omusakulra Sawuli ira akale mwene. Tchoira liye uhudihiya, uhulramwisa jejo jamuwandenle miyo.>> Samuweli agavwile mazu anne, ohokana kumbanya ulukulu. Mahiyu matene anne ohokalela lobela na mwasa wa jengo jawongile Yehova.