2 Samuweli 24:14 - Mazu Otchena a Mulungu

¹⁴ Evale mwene Davi ohomuwakulaga namafiyiheda Gadi, liye ira: <<Miyo dili mmakatamihoni eni. Yapamiwa evo inafwanela nigwele mmandani mwa Yehova, mwasiwa Yehova gwa tangaranga dilukulu. Mbwenye ira nigwele mmandani mwa amwidani, kanifunile.>>

2 Samuweli 24:14 ပူးပေါင်းရင်းမြစ်များ

2 Samuweli 9:8

Davi agawongile enne, mulombwana Mefibozeti ohokokoraga, aoramihedaga kove yaye vati, liye wakula eraga: <<Mbwiyeni miyo dagali mulombwana Mefibozeti nnafwanyeya dagali nnga mwanambwa okwene. Nnga miyo dili ani ira nyo mudiirele eno?>>

2 Amwene 6:15

Mmetcheloni muwa, namalaba wa mutu wa Mulugu ule agavenyile na mabebehene, agakumile, ohoonaga nikuru na anyakondo nagamanle irindja sidadile kagali vamohi na kavalo dewa vamohi na aaterelado ewa a kondo. Evale ohodowaga muwandela mbwiyaye Elizewu, liye ira: <<Nihikwa mbwiyeni! Kodi nnafuna niire avi?>>

1 Koronika 21:13

Evale Davi ohomuwakulaga Gadi, liye ira: <<Miyo dili mmakatamihoni malukulu. Nnosakulra gwela mmandani mwa Yehova, mwasiwa liye gwa tangaranga dilukulu. Kannafuna ira digwele mmandani mwa atu.>>

Izaiya 47:6

Dohotakaleliwa na atu aga. Dohatakaliha atu daasakunlre miyo. Dohavelela mmandani mwawo ira waagondjihe. Mbwenye kwaawendenle tangaranga. Weyo were akapatchiha atu oulula nigogolo nonyemela nohokala na masika.

Izaiya 55:7

Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu.

Daniyeli 9:9

Mbwenye nyo Nabwiya Mulugu wehu muli wa tangaranga eto muli okurumuwela, masiki hiyo nikondagave jofuna jenyu.

Jonasi 4:2

Oholobelaga wa Yehova eraga: <<So Yehova, mazu dawongile miyo dagali ilambo ya wanihu kahi anna? Mwasiwa gwenno dafuna miyo jotawela ilambo ya Tarisi. Tchoira miyo dohoiziwa ira nyo muli Mulugu wa sayi eto muli wa tangaranga eto muli odibeliwa takaleliwa eto muhukana zivela ororomeleya eto muli Mulugu olevelela jabure jafuna nyo irana.

Juwawu 12:27

Yesu ohowongaga ira: <<Murima waga uhukana kumbanya ulukulu. Nnga masiki dinnave kumbanya, miyo nnafuna dire avi? Kodi dogomuwongana Mulugu ira: <Mulugu dikumihedenimo goyi dinna miyo?> Nari. Mwasiwa miyo dizaga, dazele ona goyi dedi.>>

Filipo 1:23

Jatene jofuneyave. Mbwenye sakulra waga wafuna ukale ira miyo didowe dakale na Kiristu, tchoira para miyo, kala na Kiristu tchapama kwaranya.

1 Samuweli 13:6

Mwa enne alombwana a aIzarayeli kagaonne indjiva wa aFilistewu ale, kohorendjeya, aliwa roma ova. Mwa enne amohiwa kohotawaga, aliwa dowaga vitala mmafukweni, mmilihani, mmabweni, mmafukweni mwakoyiwe atu kakwile, na mmatankini mwemo mwahali mahindje.