2 Samuweli 23:34 - Mazu Otchena a Mulungu

³⁴ Elifeleti mwana Akajibayi, (Akajibayi babaye ali nkuda Makate), Eliya mwana Ayitofeli nkuda Jiloni;

2 Samuweli 23:34 ပူးပေါင်းရင်းမြစ်များ

2 Samuweli 10:6

Evale aAmoni na aliwene kagaonne ira: <<Eni Davi uhunitakaleliwa na makalelo abure zela jejo jaairilena hiyo atwaye>>, kohodowaga agula anyakondo owenda na mendo okwakwana 20.000 a akuda Siriya a ilambo ya Bete-Reyobe na akuda Siriya a Zoba. Eto kohagula alombwana a mwene Maka okwakwana 1.000 na alombwana 12.000 a akuda Tobe.

2 Samuweli 10:8

Evale aAmoni kohokumaga, aliwa atanda anyakondo ewa va mulango wa sidadi yewa vale. Mbwenye anyakondo a akuda Siriya anno kakumile ilambo ya Zoba na Reyobe, vamohi na anyakondo a akuda Tobe, na anyakondo a Maka, kohodowaga vokala nnga ha vale vaheno vene, aliwa atanda anyakondo ewa.

2 Samuweli 11:3

Evale mwene Davi aganfukedile muhiyanole, ohowandeliwa ira: <<Muhiyanole gu Bateseba, mwana Eliyami, mwadi Uriya, nkuda Eti!>>

2 Samuweli 15:12

Eto mulombwana Abisalawu agadowile Eboroni, muwari mokuta mukuto waye, ohomuitanaga mulombwana Ayitofeli nkuda Jilo ira aze kuma sidadi ya Jilo yali liye. Ayitofeli ali namawelruza wa mwene Davi. Mwa enne umwene wa mulombwana Abisalawu wohoulukulagave ulimbaga pama eto atu kahara jofuna jaye ira amuwake babaye umwene koindjivagave.

2 Samuweli 15:31

Mwa enne Davi ohowandeliwaga ira: <<Eni namawelruza wenyu Ayitofeli uhugumanela na ale anamuhara Abisalawu!>> Davi agavwile enne ohowongaga eraga: <<Yehova miyo nnouvepani ira musandutche zelru da mulombwana Ayitofeli ira dikale zelru doviringana.>>

2 Samuweli 17:23

Mwa enne mulombwana Ayitofeli agaonne ira zelru dawongile liye kadahariwe, ohela yogaratela vaburuni vaye, liye gwelavo, dowa vande vaye sidadi ya waniwa. Agafiyile wewule, ohagawela atu johala jejo jafuna liye hiya. Nomala enne, ohovimangelelaga, liye kwa. Agakwile ohokoyiwa masiyeni wewo wakoyiwe babaye.

2 Samuweli 20:14

Fwanyeya ira Seba ohoviraviraga muwari mwa malogo matene a Izarayeli afunaga nnga kamuhare liye, ante liye fiya sidadi ya Abeli-Bete-Maka. So mbwenye amuharile Seba ali akuda Bikiri bahi, aliwa volowa musidadi mule.

Detoronomiyo 3:14

Mulombwana Jayire wa muibalini mwa Manasesi ohogondjiha pandi yatene ya ilambo ya Arigobe. Ku wonga agondjihile ilambo ya Bazani fiyeda madilre a akuda Jesuri na akuda Makate. Mwa enne ohovaha ilambo ile nzina naye, aliwa itanaga Sidadi da Jaire, fiyeda siku na peno.)

1 Samuweli 26:6

Evale Davi agazile wa atwaye, ohonfukaga Aimeleki, nkuda Eti, na Abizayi mwana wa murongoliye Zeruwiya wenno eto ali Jowabe mbalaye, liye ira: <<Kodi mwa nyo atu ambinli, unafuna dowa vamohi na miyo vamusasani va Sawuli bani?>> Evale Abizayi gwawakunlege, liye ira: <<Miyo nnodowa na nyo!>>