2 Samuweli 23:19 - Mazu Otchena a Mulungu

¹⁹ Mulombwana Abizayi ule ali mutu ovweya bure muwari mwa anyakondo 30 a kopolo ale eto liye ali mundimuwa wewa. Mbwenye vweya wavweyile liye kwafiyile makalelo kavweyile alombwana araru a kopolo ale.

2 Samuweli 23:19 ပူးပေါင်းရင်းမြစ်များ

2 Samuweli 23:13

Tempu yohanda iwandamelaga, muwari mwa alombwana a kopolo 30 a Izarayeli, kohokalawo alombwana araru kadowilege wafwanyeya Davi nimburo nolimba notawelamo, nifukwe na Adulawu. Mwa tempu yenne anyakondo a aFilistewu kakungilege misasa diwa ndabo na Refayina, tatamo ya Beleme.

2 Samuweli 23:16

Mwa enne alombwana araru a kopolo ale kohovenyaga, aliwa dowa xolra vakapamentoni va aFilistewu, aliwa dowa runga mahindje isime yenno yafwanyeya wandamelana va mulango wa Beleme. Mbwenye kagafiyilena mahindjale wa Davi, liye kang'wilege. Mbwenye akutulenlege vati, vamentoni va Yehova.

2 Samuweli 23:18

Eto mulombwana Abizayi, mwana Zeruwiya Jowabe mbalaye ali mundimuwa wa anyakondo 30 a kopolo ale. Siku nimohi liye ohotukulaga mwanango waye kondoni, liye fiyeda apana atu 300. Mwa enne nzina naye nohoroma vweya kalaga nnga alombwana araru a kopolo ale.

2 Samuweli 23:20

Eto ohokalawo mulombwana mmohiwa aitaniwa Benaya, mwana Joyada wa sidadi ya Kabizeli. Liye ali mulombwana wa kopolo eto oirana jengo jidjindji. Liye ohapa anyakondo ambinli a kopolo a Mowabe. Liye eto ohodowa mpa podogoma mmulihani, vati vagali neve.

2 Samuweli 23:9

Omuharela ali mulombwana Eliyazari, mwana Dodo. Dodo babaye ali Awoyi. Liye afwanyeya muwari mwa alombwana araru a kopolo a Davi. Siku nimohi aFilistewu kohomaruwaga, aliwa dowa kondoni ira kawane na aIzarayeli. Eliyazare na Davi kohapokiha aFilistewu. Evale aFilistewu kagavenyihanne kazaga, aIzarayeli kohotawaga.

1 Koronika 11:25

Liye ali mutu ovweya bure muwari mwa anyakondo 30 a kopolo ale. Mbwenye vweya wavweyile liye kwafiyile nnga makalelo kavweyile alombwana araru a kopolo ale. Davi ohomutukula, liye muhela kala musogolrelri wa agwarda aye anno kamuing'aneletcha.

Matewuji 13:23

Mbwenye mbewu yenne yamorenle vateyani vapama gu mutu wenne unavwa mazu, aonelragamo, ante afiyeda vaha jovaha jimohi jiwa 100 owu hehi 60, owu hehi 30.>>

Matewuji 13:8

Mbwenye mbewu dimohi diwa dohomorelaga vateyani vapama. Evale dohomelaga, aliwa ulukula, vaha jovaha jidjindji. Dimohi diwa dohovaha jovaha 100, dimohi diwa 60, dimohi diwa 30.

1 Korinto 15:41

Undimuwa unna nzuwa, kahi umohive unna mwedi. Eto undimuwa unna mwedi kahi umohive unna nyenyedi. Eto undimuwa unna kada nyenyedi unohiyana na undimuwa unna nyenyedi nfwaye.