2 Samuweli 23:15 - Mazu Otchena a Mulungu

¹⁵ Davi ohowongaga ira: <<Nnosauwela nnga mutu adivahe mahindje a isime inafwanyeya wandamelana va mulango wa Beleme!>>

2 Samuweli 23:15 ပူးပေါင်းရင်းမြစ်များ

Jenesesi 35:19

Mwa enne Rakeli ohokwa, liye koyiwa wandamelana ndila inadowa Efarata, wewo unaitaniwa na nzina na Beleme malambwala.

2 Samuweli 23:16

Mwa enne alombwana araru a kopolo ale kohovenyaga, aliwa dowa xolra vakapamentoni va aFilistewu, aliwa dowa runga mahindje isime yenno yafwanyeya wandamelana va mulango wa Beleme. Mbwenye kagafiyilena mahindjale wa Davi, liye kang'wilege. Mbwenye akutulenlege vati, vamentoni va Yehova.

1 Koronika 11:17

Davi ohowongaga ira: <<Nnosauwela nnga mutu adivahe mahindje a isime inafwanyeya wandamelana va mulango wa Beleme!>>

Izaiya 41:17

<<Atu osimela na atu osanyeya kasaka mahindje eto kahafwanye, vevo vanafuna atu umma vammelo na ntona, miyo Yehova nnoza divwe lobela wewa. Miyo Mulugu wa Izarayeli kadiza daahiya.

Izaiya 44:3

Nnoza dikutulele mahindje ilambo yenno inna ntona, nnoza diwendihe mahindje va teya youmma. Nnoavaha ahimawo Munemba waga. Nnoavaha ahima anaabala we mareliho aga.

Juwawu 4:10

Mwa enne Yesu ohomuwakulaga muhiyanole ira: <<Wahaiziwilege yovaha inavaha Mulugu eto wahamuiziwilege wenno unauvepa mahindje, na wenne wogonvepa eto liye ogouvaha mahindje a ingumi.>>

Juwawu 4:14

Mbwenye mutu ang'wa mahindje nnanvaha miyo, kanawelela kana ntona akoka. Mahindje nnanvaha miyo anomukalela nnga isime yokana mahindje owenda, ananvaha ingumi yohomala.>>

Juwawu 7:37

Siku nogomiheda na pwando, siku neno nafwanyeya nagali siku nindimuwa, Yesu ohoimelaga, liye kuwa na mazu olimbiha eraga: <<Ule unna ntona, aze wa miyo, ang'we.