2 Samuweli 23:10 - Mazu Otchena a Mulungu

¹⁰ Mbwenye Eliyazare ohodowa aporotcha aFilistewu ale ekave. Ndanda naye nohowaheyaga fiyeda umma agali na supada naye nene mmandani. Siku nenne Yehova ohavahaga gondjiha wohokala wa masika. So aIzarayeli afwaye ale kazilege liye agamanle apa aFilistewu ale, aliwa za ira katukulege jowanana janna atu okwa ale.

2 Samuweli 23:10 ပူးပေါင်းရင်းမြစ်များ

2 Samuweli 23:12

Mbwenye Sama ohoimelaga vari va mundole ambarelaga, liye apa aFilistewu. Yehova ohavaha gondjiha ohokala wa masika.

2 Amwene 5:1

Ohokalawo mulombwana mmohi eriwa Namani. Liye ali musogolrelri mundimuwa wa anyakondo atene a mwene wa Siriya. Mwene waye omuroromeletcha eto omutitimihetcha, tchoira Yehova oavaha akuda Siriya gondjiha muwari mwa liye. Eto liye afwanyeya agali mulombwana wa kopolo owanda wana kondo. Mbwenye liye ohokana urenda wovunda maningo eriwa maranya.

1 Koronika 11:13

Liye ali vamohi na Davi ilambo ya Pasi-Damimu, wewo wagumanenle aFilistewu ira kawane vevo vali munda wa sevada. AIzarayeli kali evo kohatawaga aFilistewu ale,

Izaiya 53:12

Na mwasa wenno miyo nnonvaha rihediwa wewo unafwanyeyana andimuwa andimuwa amohiwa. Liye vamohi na atu a kopolo anerege gaana jengo jaawakile atu amwidani kondoni. Tchoira liye ohovelela ingumi yaye, liye fiyeda piwa eto kohomuirela makalelo abure nnga mutu oviringana. Liye ohopwatela jotega ja atu adjindji eto unaalobelela atu okonda tongiwa ira kaleveleliwe.

Roma 15:18

Tchoira kannawonga yengo ili yatene ilabile miyo mwa kopolo daga. Mbwenye nnawonga zela mabasa anno Kiristu alabile liye muwari mwa miyo. Kiristu gudivahile kopolo ira diwande wonga eto diwande irana jionihedo na jotikiniha muwari mwa kopolo da Munemba wa Mulugu. Jotikiniha ejo na jowonga jaga jalaba ira atu ohokala aJudewu kaona, kawande nvwelela Yesu. Muwari molaleya mazu, dihimala mabasa olaleya Muselu Wapama zela Kiristu kuma Jeruzalemu dowa ante ilambo ya Iliriya.

2 Korinto 4:5

Tchoira hiyo kannavilaleya oka, mbwenye nnamulaleya Yesu Kiristu ira liye gu Nabwiya. Eto hiyo nili anamalabinyu ira Yesu ateteliwe.

Jozuwe 10:10

Mwa ora yenne kawana atu, Yehova ohosakanya ira amwidaniwa ale kakale balala balala. Mwa enne aIzarayeli kohagondjiha amwidani ale ilambo ya Jibeyawu, aliwa roma atamangiha na ndila fiyeda nkuma wa Bete-Horoni, aliwa apaga fiyeda Azeka ante Makeda.

Jozuwe 10:42

Yehova Mulugu wa Izarayeli gwaakamiheda aIzarayeli muwari mwa kondo kawana atu. Na mwasa wenno, mulombwana Jozuwe ohowanda agondjiha amwene atene anno na vilambo diwa dene ulrendo umohive.

Jozuwe 11:8

Mwa ora yenne Yehova ohavahedaga amwidani mmandani mwa aIzarayeli, aliwa roma apa, amohiwa aliwa atamangihaga fiyeda sidadi ilukulu ya Sidoni eto amohiwa fiyeda sidadi ya Mizerefote-Mayimi, amohiwa aliwa aharagave makumelo wa nzuwa fiyeda ndabo na Mizipa. Kohapaga atenene, tchamuhiyilege nne mutu mmohi.

Anamasogolrelra 15:14

Evale Samisawu afiyaga Leyi, aFilistewu kohozaga wa liye kakuwaga jiwa. Mbwenye Munemba wa Yehova ohomuzelaga mobaranya, evale mingohi dafwanyeya mmiwononi mwaye dohokala nnga usalru otumeyiwa, aliwa moramo.

Anamasogolrelra 15:18

Noira eno, Samisawu ohokana ntona nohokala na masika. Evale oholobela wa Yehova monla, liye ira: <<Yehova nyo muhavaha atwinyu vuneya ulukulu wu muwari mwa namalaba wenyu. Nnga kodi vinokala wandeya ira miyo dikwe tchineneva na mwasa wa ntona eto digwele mmandani mwa atu ohoineliwa?>>

1 Samuweli 11:13

Mbwenye Sawuli ohowongaga eraga: <<Peno kalivo unafuna piwa mwasiwa peno Yehova uhavunela atwaye aIzarayeli.>>

1 Samuweli 14:23

Kowanagave na ndila ante kwaranya ilambo ya Bete-Aveni. Eto Yehova siku nenne ohawombola aIzarayeli mmandani mwa aFilistewu.

1 Samuweli 14:6

Evale mulombwana Jonata ohowonga na muzombwe anna liye ule, liye ira: <<Ndowe vakapamentoni va anyakondo a aFilistewu anno kahaineliwe. Ha ejo Yehova afuna, unonikamiheda. Tchoira liye anikamiheda masiki nilive ambinli, nnoagondjiha. Mwasiwa Yehova ira agondjihe kavali yorutcha. Masiki mukale adjindji eto masiki mukale a vang'ono, jatene jinowandeya.>>

1 Samuweli 17:53

Evale Ana Izarayeli kohowelaga atamangiha waatamangiha atu aFilistewu, aliwa dowa vamisasani vevo vali aFilistewu, aliwa tukulavo jengo jiwa jatene.

1 Samuweli 19:5

Liye ohovilevela kwa, liye dowa wana na nFilistewu ule Goliya fiyeda mpa eto Yehova ohonikamiheda hiyo aIzarayeli atene fiyeda agondjiha aFilistewu na mwasa wa mulombwana Davi. Nyo eto muhuona jatene jejo. Mwagaonne, muhuziveliwa. Nnga mwasiwa gwa nni babani inafunela nyo irana yengo yotega nnga yenno, mufunaga joira mumpe Davi, liye ahautegenleni?>>