2 Samuweli 22:44 - Mazu Otchena a Mulungu

⁴⁴ Nyo muhuwanda divunela mmaduguduguni mwali miyo na mulogo waga eto muhuwanda divaha ira dikale mwene wa malogo oindjivene. Atu dahaaiziwile miyo voroma vene, peno anadilaba miyo.

2 Samuweli 22:44 ပူးပေါင်းရင်းမြစ်များ

2 Samuweli 19:14

Mwa enne Davi ohowanda ganyalri mirima da alombwana atene a Juda. Noira eno, aliwa kohorumihaga milanyo wa Davi ira: <<Mwene Davi hiyo nnafuna muwele vamohi na atwinyu atene.>>

2 Samuweli 19:9

Mwa enne malogo matene a Izarayeli kohoroma gudulana oka oka keraga: <<Mwene Davi gunikumihile mmandani mwa amwidanihu eto guniwombonle mmandani mwa aFilistewu. Eto peno utawile mwilamboni mwihu muno na mwasa oira amutawa mwanaye Abisalawu.

2 Samuweli 20:22

Evale muhiyanole agamanle wonga mazu anne, ohodowaga roma awandelaga alombwana atene a musidadi mule na zelru daye. Noira enne, kohodowaga, aliwa mpa mulombwana Seba mwana Bikiri, aliwa ngwada muru waye, aliwa tukula murule, vokeda vazulu va muru wa sidadile, dowa morela unde wali Jowabe. Mwa enne mulombwana Jowabe agaonne muru wa Seba, ohoimbaga palraza. Agaimbile palraza anyakondo atene kohomwadeyaga, aliwa ihiya sidadile, kada mutu liye dowaga vande vaye. Eto mulombwana Jowabe ohorungunuwaga, awelelaga wa mwene Davi muJeruzalemu.

2 Samuweli 3:1

Fwanyeya ira kondo imohive yenne yohotatamulaga kondo yomala malambo madjindjene mwa akuda Sawuli na akuda Davi. Mwa enne muwari mowana mule, anyakondo a Davi kopolo diwa dodowave sogolro mbwenye anyakondo a akuda Sawuli, aliwa kopolo diwa dowelela mundulri.

2 Samuweli 5:1

Jagaireyile enne, malogo matene a Izarayeli kohomaruwaga, aliwa za nfwanya mwene Davi Eboroni ule. Kaganfwanyile, kohomuwandelaga keraga: <<Hiyo nili makuva amohive na maningo amohive na nyo.

Izaiya 55:4

Kaing'anani, miyo dohosakanya ira Davi akale mboni waga vamentoni va atu a unde eto ira akale musogolrelri na mundimuwa wa atu a unde.

Izaiya 55:5

Nyo munerege itana nlogo na atu mwahaaiziwile nyo, evale nlogo neno nahaiziwile nyo nnerege tamanga nizege wa nyo. Jatene ejo jinafuna jiireye na mwasa wa miyo Yehova Mulugu wenyu, Mulugu Otchena wa Izarayeli. Tchoira miyo duhuuvahani undimuwa.>>

Izaiya 60:12

Mwasiwa atu a ilambo ili yatene nari umwene uli watene, anno kahanafune ulaba weyo, anotolowa. Anagomela bwanyuliwa atenene.

Izaiya 65:1

Yehova unawonga ira: <<Miyo dohovioneyiha wa atu anne kahadifukedetcha. Eto dohosakanya ira atu anne kahadivendetcha kawande difwanya. Eto miyo dohowonga na atu anne kahaitanetcha na nzina naga, miyo ira: <Miyo dili vano! Miyo dili vano!>

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Roma 15:12

Inakala nnga eto mazu a Mulugu kalrembiwe na Izaiya oira: <<Muwari mwa mutchitchi wa Jese, munokuma mutu unafuna za atonga atu ohokala aJudewu. Atu ohokala aJudewu ale anoza kamuroromelege liye.>>

Roma 9:25

Kalaga nnga mazu Mulugu awongile liye muwari mwa Ozeya ira: <<Ale kahali atwaga, nnoza daaire: <Atwaga.> Eto nlogo neno dahaziveliwe miyo, nnoza dire: <Nlogo neni ti nlogo nnaziveliwa miyo.> >>

Detoronomiyo 28:13

Nyo mwavwelelaga malamulo a Yehova, Mulugu wenyu anno nnauwandelani miyo peno eto muharihagamo muwari moing'ana pama, Yehova unerege uhelani ira mukale muru hiya kala mwila eto munerege kala vazulu hiya kalaga vati.

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>