2 Samuweli 22:28 - Mazu Otchena a Mulungu

²⁸ Nyo munoavunela atu anne anaviyeviha, mbwenye meso enyu anaaing'ana atu ovitukulela ira mwaatitihe.

2 Samuweli 22:28 ပူးပေါင်းရင်းမြစ်များ

Ezodu 10:3

Mulombwana Mozeji na mbalaye Arawu kohovenya, aliwa dowa wa mwene Farawu. Kagafiyile, kohomuwandela ira: <<Yehova Mulugu wa aEberewu unawonga ira: <Kodi unaza uhiye alini vitukulela wawo vamentoni vaga? Waahiye atwaga ira kadowe kaditamalele!

Ezodu 18:11

Miyo peno dihikana ibaribari ira Yehova gwa kopolo dilukulu akwaranya amilugu atenene. Tchoira liye uhawombola atwaye mmandani mwa aIjipitu anno kaaireletcha makalelo ovitukulela.>>

Izaiya 2:17

Atu oviulukuliha anoza kayevihiwe, eto atu oziveliwa jovitukulela anoza katitihiwe. Yehova eka gunafuna za teteliwa siku neno.

Izaiya 37:23

Kodi umpokihile ani eto umululuvihile ani? Kodi uhumuiziwa wenno wamukuwela we na mazu ogwela na wenno wamuing'aniheda we meso awo zulu? Jatene ejo wadiirela miyo Mulugu Otchena wa Izarayeli.

Izaiya 5:15

Mutu uli watene unoza ayevihiwe, atu atene anoza katitihiwe. Aliba jurungula anoza kanyaswihiwe.

Izaiya 63:9

Na mwasa ozuzumihiwa watene wanna atwaye, na liyene ohokana zuzuma undimuwa. Evale liye ohomuruma mungelro waye ira adowe aavunele. Muwari moaziveliwa eto muwari mwa tangaranga daye, ohawombola. Evale ohatukula, liye roma asogolrelraga malambo matene kavirile.

Daniyeli 4:37

Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!

Matewuji 5:3

Orelihiwa ba atu osimela mmirimani mwewa, mwasiwa Umwene wa zulu gwewa.

Lukaji 14:11

Tchoira mutu wenne unavitukulela, unoyevihiwa. Mbwenye ule unaviyeviha, unotukuleliwa.>>