2 Samuweli 21:7 - Mazu Otchena a Mulungu

⁷ Davi mbwenye ohomuhiya mulombwana Mefibozeti, mwana Jonata, Sawuli muzuliye na mwasa wa yolumbela yasakanyile Jonata mwana Sawuli na Davi vamentoni va Yehova.

2 Samuweli 21:7 ပူးပေါင်းရင်းမြစ်များ

2 Samuweli 16:4

Evale mwene Davi ohomuwandelaga Ziba eraga: <<Jatene ja mulombwana Mefibozeti, peno jinafwanyeya jagali jawo.>> Evale Ziba ohowongaga eraga: <<Miyo mbwiyeni so mwene, nnoukokorelani eto nnouvepani ira diwande fwanya mahala vamentoni venyu malambo matene!>>

2 Samuweli 19:25

Mwa enne agakumile Jeruzalemu ira agumane na mwene Davi, Davi agagumanne na liye, ohonfukaga eraga: <<Mefibozeti, kodi mwasiwa ali wa nni uza wahadiharaga?>>

2 Samuweli 4:4

Fwanyeya ira tempu yakwa mwene Sawuli na mwanaye Jonata, ohokalawo mutu akumile Jezereli wali anyakondo a aIzarayeli, dowa awandelaga atu zela makalelo aIzarayeli kagondjihiwe atu kondoni. Ora yenno Jonata ohomukana mwanaye aitaniwa Mefibozeti. Mefibozeti ule anna yaka tanu. Evale makayaya wenno amuleletcha Mefibozeti ule, agavwile zela ukwa wa Jonata na babaye Sawuli, ohomutukulaga mwanole, liye mutawagana. Muwari motawa mule, na mwasa obaranya, mwanole ohomoraga, liye fiyeda rangala kala mutu ohowanda wenda.

2 Samuweli 9:1

Siku nimohi mwene Davi ohafukaga atwaye eraga: <<Kodi vande va mwene Sawuli vihikala mulombwana uhanle ira miyo dimuirele upama na mwasa wa nfwaga Jonata?>>

2 Samuweli 9:10

Eni kuma peno, weyo vamohi na ahimawo atene vamohi na anamalabawo atene mudowe mwalimege. Mwagalimile, jengo jinafuna kumaga munerege zana, munvahege mulombwana Mefibozeti ula vamohi na atu atene a vande vaye ira kakayena jodja. Mbwenye mwinnya Mefibozeti ula unadjege meza imohive na miyo!>> Fwanyeya ira mulombwana Ziba anna ahima a anapongwe kumi na atanu, vamohi na anamalaba 20.

2 Samuweli 9:6

Evale mulombwana Mefibozeti, mwana Jonata, Sawuli muzuliye, ohozaga wa Davi. Afiyaga ohoworama afiyihaga kove yaye vati, muwari momuriheda. Noira enne, Davi ohomuitanaga eraga: <<Mefibozeti!>> Liye ohowakulaga eraga: <<Gu miyene namalaba wenyu!>>

2 Samuweli 9:7

Noira enne, Davi ohomuwandelaga eraga: <<We mulombwana Mefibozeti kuove mwasiwa miyo nnafuna duirele upama na mwasa wa babawo Jonata wenno ali nfwaga. Miyo nnafuna duwelihede vilambo datene dedo dali da mbwiyawo Sawuli. Weyo eni roma peno dowa sogolro unakalege vamohi na miyo eto unadjege meza imohive na miyo.>>

1 Samuweli 18:3

Evale Jonata ohosakanya yopangana yowandana na Davi, mwasiwa liye omuziveliwa bure Davi nnga mwaziveliwela liye ingumi yaye.

1 Samuweli 20:12

Kagadowile mmundani mule, Jonata ohomuwandelaga Davi, liye ira: <<Miyo nnolumbela na nzina na Yehova Mulugu wa Izarayeli ira metchelo owu hehi ndawiyavano, miyo nnodowa damuwombeze babaga. Inaufunana liye yakala yengo yapama, ora yokala ha yenna miyo nnoza duwandele.

1 Samuweli 20:15

Mbwenye dakwa, miyo dafuna ira ora Yehova inaza liye aapemo amwidanawo atene anafwanyeya mwilamboni yatene ya vati, weyo waaonihe atu atene a vande vaga zivela wawo wohomala malambo matene.>>

1 Samuweli 20:17

Evale Jonata ohomuwongana Davi ira: <<Miyo nnafuna ulumbele akoka zela zivelana wehu.>> Jonata amulumbelihaga Davi fendo yanembinli ali na mwasa oira liye omuziveliwa nfwaye Davi ule nnga mwaviziveliwela liye mwinnya.

1 Samuweli 20:42

Evale Jonata ohomuwongana Davi eraga: <<Udowe mwa murendele mwasiwa hiyo nihimala lumbela na nzina na Yehova ira: <Yehova gunafuna kala mboni zela wandana wa miyo na weyo eto zela ahimaga na ahimawo kala no kala.> >> Nomala enne, Davi ohovenyihanaga adowaga eto Jonata ohowelelaga musidadi mwakoka mwene.

1 Samuweli 20:8

Nnouvepa ira udiirele miyo namalaba wawo upama, mwasiwa weyo wohosakanya yopangana yowandana na miyo vamentoni va Yehova. Mbwenye akala miyo duhusakanyela ibure, weyo udipe wa mwinnya, hiyaniha no divaheda mmandani mwa babawo ira adipe.>>

1 Samuweli 23:18

Nomala eno, kohosakanya yopangana yowandana vamentoni va Yehova ira wandana wewa udowegeve musogolro. Kagamanle enne, mulombwana Davi ohala Oreza ule eto Jonata ohodowaga waniwa wakoka wene.

1 Samuweli 24:22

Evale Davi oholumbelaga. Nomala eno, Sawuli ohowelelaga vande. Davi na alombwanaye mbwenye tchawenle na Sawuli. Aliwa kohowelela mundulri dowa nimburo nofwanela tawelamo.