2 Samuweli 21:16 - Mazu Otchena a Mulungu

¹⁶ Eto ohokalawo nFilistewu mmohi aitaniwa Isbi-Benobe. Mulombwana Isbi-Benobe ule abaliwe muibalini mwa atu alukulu olapa. Liye ohokana mwanango wa mukuwa anyemela kilu taru eto ohokana supada nixa. Liye ohovenyaga, liye za ira awane na mwene Davi.

2 Samuweli 21:16 ပူးပေါင်းရင်းမြစ်များ

Jenesesi 14:5

Evale dikwakwanaga yaka kumi na nnayi, mwene Kedorilawomeri ohovenya vamohi na amwene afwaye anne aawandannena liye, aliwa dowa roma agondjiha aRefayina sidadi ya Axiteroti-Karinaimi, akuda Zuzi ilambo ya Ami, akuda Emi sidadi ya Save-Kiriyatayimu,

Jenesesi 6:4

Muwari mwa tempu yenne kohokalawo atu alukulu a kopolo kaitaniwa aNefili. Eto ahima a Mulugu ale kagaagonnena ahiyana ale, ahima kaabanle atu kali alukulu, a kopolo eto kali atu ovweya malambo anne.

2 Samuweli 21:18

Jagaireyile enne, wohooneya eto kondo imohiwa sidadi ya Gobe, aIzarayeli na aFilistewu. Muwari mowana, mulombwana Sibekayi, wenno ali nkuda Husati, ohompaga nFilistewu mmohi eriwa Safe, mulombwana abaliwe muibalini mwa atu alukulu olapa ale.

2 Samuweli 21:20

Noira enne, wohooneya eto kondo imohiwa ilambo ya Gate. Wewule wohokala nFilistewu olapetchetcha anna jibuno tanu na imohi va kada ndanda eto tanu na imohi va kada nnyalo. Gumaniha jibuno jatene, kalaga jibuno 24. Liye eto abaliwe muibalini mwa atu alukulu olapa ale.

2 Samuweli 21:22

Atu annayi ale kakumile muibalini mwa atu alukulu olapa a Gate. Davi vamohi na anyakondwaye kohapa alombwana olapa ale.

2 Samuweli 5:18

Evale anyakondo a aFilistewu ale kagazile, kohoromaga mwadeya ndabo na Refayina.

Detoronomiyo 1:28

Kodi hiyo nnafuna nidowe waani? Tchoira abalihu kohoninyungulrutcha mirima dehu kaniwandelaga keraga: <<Atu anafwanyeya wewule ba atu a kopolo eto atu olapa nikwaranya hiyo. Eto sidadi dewa nnafwanyeya dagali sidadi dilukulu eto dolimba, dokana muru fiyeda zulu. Eto wewule nahaona atu alukulu akuda Anaki.>> >

Detoronomiyo 2:10

(Fwanyeya ira wanle nohokalawo nlogo na atu olapa bure, a kopolo nnga aAnaki, kagali oindjivetchetcha, kaitaniwetcha aEmi, kakaletcha sidadi ya Ari.

Detoronomiyo 2:11

Aliwa vamohi na aAnaki ale kabalriwa nnga akuda Refayina. Mbwenye akuda Mowabe kaaitanetcha aEmi.

Detoronomiyo 2:21

Aliwa kali atu oindjivetchetcha eto kali alukulu eto kali olapa nnga akuda Anaki. Mbwenye Yehova ohatolotcha. Mwa enne aAmoni ale kohatamangihamo mwilamboni mule, aliwa kalagamo vamalroni vewa.

Detoronomiyo 3:11

(Fwanyeya ira mulombwana Oge mwene wa Bazani ahanapiwe, liye ali mutu ogomiheda muwari mwa nlogo na atu alukulu aRefayina. Kama yaye yali yosakanyiwa na momba eto ikalawove fiyeda siku na peno sidadi ya Raba ilambo ya akuda Amoni. Kama ile lapa uwa inna mameturu mannayi eto rambalala uwa inna mameturu menli nnga munapimela atu.)

Detoronomiyo 9:2

Munadowa mwatukule ilambo ya atu alukulu eto kagali olapa, akuda Anaki anno mwaaiziwile nyo eto anno mwavwetcha nyo kawongaga keraga: <Kodi bani unawanda imela vamentoni va akuda Anaki?>

Jozuwe 11:22

Mwa tempu yenno kalivo nne nkuda Anaki mmohi ahanle mwilamboni mwa Ana Izarayeli. So mbwenye akuda Anaki amohiwa kahanle muwari mwa sidadi da Gaza, Gate na Ajidode.

Jozuwe 15:14

Kalebi ohatamangihamo mwilamboni mwa Eboroni mule alombwana araru a muibalini mwa Anaki ala: Sezayi, Hayimani na Talimayi.

1 Samuweli 17:7

Liye ohokana eto mwanango mulukulu onyemela. Woxongowa uwa ule ali wa momba wanyemela kilu tanu na mbinli. Liye awendaga, omukana munyakondo mmohi akala sogolro waye, liye hidedaga defeza yaye.