2 Samuweli 21:10 - Mazu Otchena a Mulungu

¹⁰ Noira enne, muhiyana Rizipa mwana Ayiya ule, ohotukulaga sakwi, liye dowana tandela vanibweni wewule wakwile ahimaye ambinli na alombwana amohiwa atanu ale, roma gonelaga wewule, romela tempu ya mahandelo fiyeda siku narumbweliwege muzongwe atu atanu na ambinli kakwile ale. Eto liye na ntana kahiya ira mbalrame dovava zulu dingovolege maningo a atwale, nne na mahiyu kahiya ira anavinyama kazevo katakunege.

2 Samuweli 21:10 ပူးပေါင်းရင်းမြစ်များ

Jenesesi 40:19

Muwari mwa malambo mararu, Farawu unoukutcha mukadeya ira agwade muru wawo, automeye vaimirini. Era eno mbalrame nnerege za dingovolege mutembo wawo.>>

2 Samuweli 21:11

Mwa enne Davi ohowandeliwaga jejile jaira muhiyana Rizipa, mwana Ayiya, wenno ali Sawuli mwendaye.

2 Samuweli 3:7

Fwanyeya ira mwene Sawuli ahanakwe ohomukana muhiyanaye wang'ono eni aitaniwa Rizipa mwana Ayiya. Siku nimohi mulombwana Isbozeti ohomuwongagana Abineri eraga: <<Kodi mwasiwa gwa nni we umutukulaga wenno ali babaga muhiyanaye wang'ono, uroma mugonagana?>>

1 Amwene 21:27

Mwa enne mulombwana Akabe agavwile mazu matene anne zela ubure wafuna muireyela, muwari mokumbanya mwaye, ohokawulaga jowara jaye, liye wara masakwi eto ohoromaga jejuwari, liye gonelaga masakwi eto awenda pure pure pure.

Detoronomiyo 11:14

liye unouvahani muzongwe mwilamboni mwenyu tempu inarumbwetcha liye, roma muzongwe oroma fiyeda muzongwe ogomiheda ira muwande kana johanda japama ja mmundani, vamohi na vinyu vamohi na azeti wenyu.

Detoronomiyo 21:13

eto atchindje jowara jejo jawarile liye ahindiwaga, aze agarati vande vawo amale mwedi ompumbula amunlelaga babaye vamohi na mmaye. Era eno weyo podi dowa mugonana. Evale weyo unokala mamunaye eto liye unokala muhiyanawo.

Detoronomiyo 21:22

<<Eto afwanyeya mutu okana yotega yofwanela ira apiwe, afiyeda piwa eto agakwile kadowa kamutomeya vaimirini,

Detoronomiyo 21:23

maningo aye kikaleve vaimirini evale fiyeda unde tcha. Mbwenye inafwanela akumihiwevo, adowe atimbeliwe siku neno, tawiha ira unatakalihe ilambo yenyu yenno Yehova Mulugu wenyu unafuna liye uvahani nnga yowatchela yenyu, tchoira maliba tomeyiwa vaimirini gu mutu otembelrelriwa na Mulugu.>>

1 Samuweli 17:44

Evale ohowongagave eraga: <<Kafiya uno ira miyo ditukule maningo awo, divahe mbalrame dovava zulu na anavinyama a mukokolani ira kaudje.>>

1 Samuweli 17:46

Peno eva Yehova unodivaheda weyo mmandani mwaga eto miyo nnoupa, digwade muru wawo. Miyo peno nnotukula maningo a anyakondo a aFilistewu, daavahe mbalrame dovava zulu na anavinyama a mukokolani. Jaireya eno, pa evo vanafuna atu atene a mwilamboni ya vati kaiziwe ira Mulugu wa Izarayeli ukalawo.