2 Samuweli 21:1 - Mazu Otchena a Mulungu

¹ Tempu ya mwene Davi wohooneya ndala yamanle yaka taru doharana dene. Muwari mwa enne mwene Davi ohonfukaga Yehova na mwasa wa ndala yenne. Evale Yehova ohomuwakulaga, liye ira: <<Ndalela ikalelewo na mwasa wa Sawuli vamohi na atu a vande vaye. Mwasiwa Sawuli ohapa akuda Jibeyawu.>>

2 Samuweli 21:1 ပူးပေါင်းရင်းမြစ်များ

Jenesesi 12:10

Tempu yenne mwilamboni mwa Kana mohokala ndala ilukulu. Na mwasa wenne, mulombwana Abaramu ohovenyihanaga na muhiyanaye, aliwa dowaga Ijipitu.

Jenesesi 26:1

Ilambo yafwanyeya Izaki yohozawo ndala, nnga jaireyile voroma, tempu ya Abarahamu. Evale mulombwana Izaki ohodowa Jerari, wewo wakala mulombwana Abimeleki, mwene wa aFilistewu.

Jenesesi 41:57

Eto atu amohiwa a vilambo datene koza muIjipitu mule gulaga jodja na Joze mwasiwa ndala yohotabwa ilambo yatene ya vati.

Jenesesi 42:5

Evale anapongwe a Izarayeli kumi kohovenyaga kadowaga Ijipitu. Eto aliwa tchadowilege okave, nari. Kohokalawo eto atu amohiwa kaahanana atu mulrendoni ira na aliwene kagule jodja, tchoira ilambo yatene ya Kana mohokala ndala yohokala ya masika.

Jenesesi 43:1

Ndala yali ilambo ya Kana yosimbwagave.

2 Samuweli 16:8

Eni Yehova unautonga na mwasa oira we wahapa atu oindjiva a mwene Sawuli! Eni Yehova uhunvaha umwene mwanawo Abisalawu. Eni peno weyo unafuna uone ubure, uhumala tembelrelreya mwasiwa uli mpanga!>>

2 Samuweli 20:26

Eto namakuta mmohiwa wa mwene Davi ali mulombwana Ira nkuda Jarita.

2 Samuweli 21:5

Evale aliwa kohowakulaga keraga: <<So mbwenye nnafuna mwaatukule alombwana atanu na ambinli muwari mwa ahima a mulombwana Sawuli wenno avendetcha jonitolotcha ira nahawande fwanyeya mwilamboni mwa aIzarayeli, ira hiyo nidowe naamangelele, aliwa kakwe vamentoni va Yehova Jibeya wewo wakala Sawuli, wenno asakulriwe na Yehova!>> Evale mwene Davi ohowakulaga eraga: <<Kavali makani, miyo nnouvahedani!>>

2 Samuweli 24:1

Mwa malambo anne Yehova ohotakaleliwaga na makalelo ohokala a masika zela aIzarayeli akoka. Mwa enne Yehova ohosakanya ira Davi aairele aIzarayeli yabure awongaga eraga: <<Kadowa wakontari indjiva wa aIzarayeli na akuda Juda.>>

2 Samuweli 5:19

Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>>

2 Samuweli 5:23

Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa.

1 Amwene 17:1

Mwa enne mulombwana mmohi aitaniwa Eliya, nkuda Tijibi wenno akaletcha Jileyadi, ohowonga na Akabe eraga: <<Miyo nnawonga vamentoni va Yehova okalawo, Mulugu wa Izarayeli wenno nnamulaba miyo ira kuma yaka yenna dowaga sogolro kanarumbwa muzongwe eto nne kunakala ningame, fiyeda miyo diwonge ira muzongwe arumbwe.>>

1 Amwene 18:2

Mwa enne Eliya ohomaruwa ira adowe avioneyihe vamentoni va Akabe. Eto fwanyeya ira tempu yenne ndala yafwanyeya Samariya tchali ya masika.

2 Amwene 6:25

Mwa enne sidadi ya Samariya ile yagamanle rindjiwa, jodja jewa johamalela fiyeda kalamo ndala yohokala ya masika, fiyeda muru wa buru gulihiwaga kobiri da parata 80 eto kopo imohi ya maroti a kangayiwa gulihiwaga kobiri da parata tanu.

2 Amwene 8:1

Elizewu ohomuwongagana muhiyana wenne amuvenyihile liye mwanaye mokwani, liye muwandela eraga: <<Uvenye, weyo na atu a vande vawo mudowege pandi ili yatene inafune nyo hara. Tchoira Yehova unafuna azihe ndala ira imale yaka tanu na mbinli mwilamboni muno.>>

Jozuwe 7:1

Fwanyeya ira Ana Izarayeli tchakwakwanelihedile zela jejo jafuna veleliwa wa Yehova muwari motolotchiwa. Ohokala mulombwana mmohi aitaniwa Akani atukunle mwa jengo jejile jafuna veleliwa muwari motolotchiwa, liye koya. Na mwasa wenne, Yehova ohotakaleliwa na makalelo ohokala a masika zela Ana Izarayeli. Akani ali mwana Karimi, Karimi ali mwana Zabidi, Zabidi ali mwana Zera, eto Zera ali wa nlogo na Juda.

Jozuwe 9:20

Na mwasa olumbela nialumbelenle hiyo inafwanela naahiyeni aliwa apamene tawiha ira uwali wa Yehova unanizele.

Ruti 1:1

Tempu yali aIzarayeli kahanakayena mwene, tempu yatongiwa atu na anamasogolrelra, mwilamboni mohokala ndala. Na mwasa wenno ohokalawo mulombwana mmohi wa tatamo ya Beleme ilambo ya Juda avenyile vamohi na muhiyanaye na ahimaye ambinli a anapongwe, aliwa dowa ilambo ya Mowabe ira kakalege wewo mwa tempu ya vang'ono na mwasa wa ndala.

1 Samuweli 10:22

Noira enne, kohonfuka Yehova, aliwa ira: <<Kodi mutu usakulriwe uli veva?>> Yehova ohowakula, liye ira: <<He uli veva. Eni uvikoyile ule unafwanyeya mitolro ule.>>

1 Samuweli 23:11

Yehova kodi na ibaribari Sawuli unoza nnga mwemo munavwela miyo? Nnga liye agazile, akuda Keyila uno anodivelela mmandani mwaye? Yehova Mulugu wa aIzarayeli, miyo nnouvepani ira mudiwandele!>> Yehova ohomuwakula, liye ira: <<He, na ibaribari Sawuli unoza!>>

1 Samuweli 23:2

Evale Davi agavwile enne, ohonfukaga Yehova eraga: <<Yehova, kodi didowe dawane na aFilistewu?>> Evale Yehova ohomuwakulaga eraga: <<He, kadowa wawane na aFilistewu. Waavunele akuda Keyila!>>

1 Samuweli 23:4

Noira enne, Davi ohonfukaga Yehova akoka, liye ira: <<Yehova, na ibaribari nidowe nawane na aFilistewu?>> Evale Yehova ohomuwakulaga akoka, liye ira: <<Kavenya, udowe Keyila. Tchoira miyo nnouvaheda aFilistewu mmandani mwawo ira waagondjihe!>>