2 Samuweli 20:6 - Mazu Otchena a Mulungu

⁶ Evale mwene Davi ohomuwandelaga mulombwana Abizayi eraga: <<Peno Seba mwana Bikiri unafuna aniirele ubure hiyaniha na mulombwana Abisalawu. Uvenye tchineneva na anyakondo aga atene, murome muhara, tawiha ira liye unabaranye ira adowe sidadi yowerewerihiwa na muru ira anitawe.>>

2 Samuweli 20:6 ပူးပေါင်းရင်းမြစ်များ

2 Samuweli 10:14

Eto aAmoni anno kawana na Abizayi kagaonne ira afwihu a Siriya kohotawa, na aliwene kohomutawaga mulombwana Abizayi, aliwa dowa volowa musidadi. Evale kagatawile, mulombwana Jowabe ohiya wana na aAmoni, liye welelaga Jeruzalemu na anyakondo aye.

2 Samuweli 11:11

Evale mulombwana Uriya ohowakulaga eraga: <<Kaxa ya Yopangana na anyakondo a aIzarayeli vamohi na anyakondo a Juda atene anafwanyeya mmusasani! Eto musogolrelri waga Jowabe vamohi na andimuwa atene a anyakondo anafwanyeya vamisasani mukokolani! Nnga vinakale jowandeya avi ira miyo divenye didowe vande darome dja no ng'wa eto amala digone vamohi na muhiyanaga? Miyo mbwenye nnolumbela na nzina nenyu vamohi no kalawo wenyu ira kavili jowandeya ira miyo nnoirana jejo!>>

2 Samuweli 18:12

Mulombwanole ohomuwakulaga Jowabe eraga: <<Masiki ahakale nyo muhela mmandani mwaga kobiri da parata 1.000, miyo kadawande muirela yabure mwana mwene. Tchoira hiyo nihivwa mwene auwandelagani nyo na Abizayi na Itayi airaga: <Mwadowa kamumuirele yabure muzombwaga Abisalawu!>

2 Samuweli 18:2

Anyakondo atene aagawile makuru mararu. Nikuru nimohi musogolrelriwa ali mulombwana Jowabe. Nikuru nanembinli musogolrelriwa ali mulombwana Abizayi mwana Zeruwiya wenno eto ali Jowabe mbalaye. Nikuru nogomiheda, musogolrelriwa ali mulombwana Itayi, wenno ali nkuda Gate. Eto noira enne, Davi ohawandelaga atwaye atene eraga: <<Miyo nnafuna didowe vamohi na nyo kondoni!>>

2 Samuweli 19:7

Kavenyani, mukume, mudowe unde, muwonge mazu apama na atwinyu. Mwasiwa miyo nnolumbela na nzina na Yehova ira nyo mwahakume, mahiyu anna kanakalavo nne mutu mmohi unafuna kala na nyo. Eto jaireya eno jinakala jengo josimbwa takala kwaranya makatamiho matene muonne nyo romela uzombweni wenyu fiyeda peno!>>

2 Samuweli 2:18

Mwa tempu yawanaga atu ile, vohokalaga ana Zeruwiya araru a anapongwe anna liye: Jowabe, Abizayi na Azayeli. Aliwa atene kali anyakondo a Davi. Eto mulombwana Azayeli ali mutu otamanga bure nnga nase atamangaga mukokolani.

2 Samuweli 21:17

Mbwenye mulombwana Abizayi mwana Zeruwiya, ohomukamihedaga mwene Davi, liye mulata Isbi-Benobe ule, fiyeda liye mpa. Noira enne, anyakondo atene a Izarayeli koholumbelaga zela mwene Davi keraga: <<Eni kuma peno dowa sogolro hiyo nadowaga kondoni, nyo kamuniharege. Tawiha ira munatimihe wareya wa Izarayeli!>>

2 Samuweli 23:18

Eto mulombwana Abizayi, mwana Zeruwiya Jowabe mbalaye ali mundimuwa wa anyakondo 30 a kopolo ale. Siku nimohi liye ohotukulaga mwanango waye kondoni, liye fiyeda apana atu 300. Mwa enne nzina naye nohoroma vweya kalaga nnga alombwana araru a kopolo ale.

2 Samuweli 3:30

Fwanyeya ira Jowabe na mbalaye Abizayi, kampele Abineri mwana Neri na mwasa oira liye ohompa mbaliwa Azayeli kondoni, kawanaga Jibeyawu.

2 Samuweli 3:39

Miyo mbwenye masiki dagalive mwene osakulriwa na Yehova, miyo peno kadinna kopolo doakwaranya ahima a Zeruwiya ala na uwali unna atu. Yehova amutonge mutu wabure zela ibure iirile liye.>>

1 Amwene 1:33

Kagazile, mwene ohawandelaga eraga: <<Mwaatukule anamalaba aga eto mmugwelihe mwanaga Salomawu vakavaruni vaga, mmaruwe mudowe isime ya Jiyoni.

1 Koronika 11:20

Eto mulombwana Abizayi, Jowabe mbalaye ali mundimuwa wa anyakondo 30 a kopolo. Siku nimohi liye agali kondoni ohotukulaga mwanango waye, liye fiyeda apana atu 300. Mwa enne nzina naye nohoroma vweya kalaga nnga alombwana araru a kopolo ale.

1 Koronika 18:12

Fwanyeya mwa tempu yenne, Abizayi mwana Zeruwiya, ohapa akuda Edomu okwakwana 18.000 ndabo na Mwinnyu.

Markuji 3:24

Akala atu a umwene umohive anogaweya aliwa roma wana oka oka, umwene wenno unagomela mala.

1 Samuweli 26:6

Evale Davi agazile wa atwaye, ohonfukaga Aimeleki, nkuda Eti, na Abizayi mwana wa murongoliye Zeruwiya wenno eto ali Jowabe mbalaye, liye ira: <<Kodi mwa nyo atu ambinli, unafuna dowa vamohi na miyo vamusasani va Sawuli bani?>> Evale Abizayi gwawakunlege, liye ira: <<Miyo nnodowa na nyo!>>