2 Samuweli 20:13 - Mazu Otchena a Mulungu

¹³ Evale Amasa agakumihiwemo mundila mule atu atene kodowaga, kamuharaga mulombwana Jowabe kondoni ira kamuhinde mulombwana Seba mwana Bikiri.

2 Samuweli 20:13 ပူးပေါင်းရင်းမြစ်များ

2 Samuweli 20:1

Mwa tempu yairaga atu enne, vevale vohokalaga mulombwana mmohi ohokana mabasa, mwana Bikiri wenno aitaniwa Seba, wa nlogo na Benjami. Mulombwana Seba ule ohoimbaga palraza awongaga eraga: <<Alombwana hiyo kaninna pandi na mwene Davi nne hiyo kannavahiwa jorayela vamohi na mwana Jese. Eni kada muIzarayeli avenye, adowege vande vaye!>>

2 Samuweli 20:11

Mbwenye mulombwana mmohi wenno afwanyeya muwari mwa anamalaba a mulombwana Jowabe ohodowaga imela vevale vakwile mulombwana Amasa eraga: <<Mutu wenne unaona ira: <Miyo nnamuhara Davi eto nnamuhara Jowabe, ifwanele amuhare mulombwana Jowabe kondoni!> >>

2 Samuweli 20:14

Fwanyeya ira Seba ohoviraviraga muwari mwa malogo matene a Izarayeli afunaga nnga kamuhare liye, ante liye fiya sidadi ya Abeli-Bete-Maka. So mbwenye amuharile Seba ali akuda Bikiri bahi, aliwa volowa musidadi mule.

2 Amwene 18:17

Masiki agavahiwe, mwene wa Asiriya ule ohovendave jowana. Liye oharumaga asogolrelri aye araru, roma mundimuwaye wa anyakondo, na namalabaye mundimuwa, vamohi na mundimuwa mmohi owonga ja mwene ira kamaruwe vamohi na anyakondo ohokala a masika, kadowe Jeruzalemu ira kawane na mwene Ezekiya. Evale aliwa kohomaruwaga, aliwa za Jeruzalemu. Kagazile, kohoimelaga wandamelana movira mwa mahindje okumela tanki ya mahindje yafwanyeya vazulu wandamelana ndila yodowa munda wa namafulra nguwo.

Izaiya 36:2

Evale mwene wa Asiriya ule ohomurumaga mundimuwa mmohi owonga ja mwene ira amaruwe vamohi na anyakondo ohokala a masika, kadowe Jeruzalemu ira kawane na mwene Ezekiya. Evale aliwa kohoza Jeruzalemu. Kagazile, mundimuwa owonga ja mwene ule ohoimelaga magomelo wa movira mwa mahindje okumela ntiya nnafwanyeya muzulu wandamelana ndila yodowa munda wa namafulra nguwo.

Izaiya 62:10

Kavirani, kavirani mmamilangoni. Kasakanyani ndila ira atu kaviremo. Kasakanyedani, kasakanyedani marampa. Mukumihemo mabwe matene eto muvenyihe bandera ira atu atene kaiziwe vovira vuwa.

Izaiya 7:3

Nomala eno, Yehova ohowonga na Izaiya ira: <<Umutukule mwanawo Seyari-Jasube, mudowe mwagumane na mwene Akazi magomelo wa movira mwa mahindje okumela ntiya na mahindje nnafwanyeya muzulu wandamelana ndila yodowa munda wa namafulra nguwo.

Markuji 10:46

Yesu na anamamuharaye kohofiya sidadi ya Jeriko. Kakumaga sidadile, kadowaga, ohokala mwindji wa atu oindjiva kamuhara. Evale ohokalaga mulombwana mmohi ohoona eriwa Bartimewu mwana Timewu, agaratilege mmambalo mwa ndila, avepaga kobiri.

Anamasogolrelra 21:19

Evale kohowongagave keraga: <<Kaing'anani, ihiwandamela tempu inagumanetcha atu va kada yaka ira kadje pwando vamentoni va Yehova sidadi ya Silo, pandi ya norti wa Beteli, pandi ya suli wa sidadi ya Lebona eto makumelo wa nzuwa wa ndila inakuma Beteli idowaga Sikemu.>>

1 Samuweli 6:12

Ng'ombe dile kagahiyile, daharilege ndila yodowa Bete-Semeji. Dowenda dinlaga mofwaseya, diharaga ndila imohive yenne, aliwa dowaga jiwa sogolrove, nne peruwa muwononi odjana nne muwononi oromana. Eto amwene atanu a aFilistewu ale kohoromaga hara ng'ombe dile wayaga atu ante aliwa dowa fiya wandamelana sidadi ya Bete-Semeji.