2 Samuweli 20:10 - Mazu Otchena a Mulungu

¹⁰ Mbwenye mulombwana Amasa kaonilege ira Jowabe ohidedaga supada na ndanda nimohi niwa nne. Evale mulombwana Jowabe ohomulataga Amasa mbani, mirimbo daye aliwa vayela kuma, fendo imohive yenne, liye vayela kwa. Evale Jowabe agampile mulombwana Amasa, ohomaruwaga na mbalaye Abizayi, aliwa dowagave musogolrove kamuharaga mulombwana Seba mwana Bikiri.

2 Samuweli 20:10 ပူးပေါင်းရင်းမြစ်များ

Jenesesi 4:8

Evale Kayini ohomuwongana mbalaye Abeli kwi: <<Ndowe minda.>> Mwa enne kagadowile minda ule, Kayini ohomurungunuwela mbalaye, mpa.

2 Samuweli 2:23

Mbwenye Azayeli kafunnege vwa yenno yawongaga Abineri. Ohokalelagave ntindi amutamangihagave. Mwa enne Abineri omuwambaga Azayeli mbani na mundulri mwa mwanango waye. Mwanangole agamulatile ohokumelelaga unduli waye. Mwa enne Azayeli ohogwaga vevale, liye vayela kwa nimburo nimohive nenne. Evale Azayeli afwaye amohiwa kazaga mundulri, kafiya nimburo nakwilege liye nne, koimelaga evale. Eto mulombwana Abineri ohodowagave musogolrove atawaga.

2 Samuweli 20:9

Mwa enne Jowabe ohowongaga na Amasa ule eraga: <<Kodi uli wapamene mbalaga?>> Eto ohindaga igabwa ya mulombwana Amasa na muwono waye odjana ira ambejari.

2 Samuweli 3:27

Evale aliba rumiwa ale kagamuwelihile mulombwana Abineri, agazile Eboroni ule akoka, Jowabe ohomutukulaga Abineri, mudowana okala ha ule, wandamelana va mulango va sidadile, kalaga nnga unafuna amuwandele yengo yokoyeya. Evale Jowabe ohomulataga Abineri mbani, liye weliha kunyakunya zela mbalaye Azayeli wenno Abineri ampile liye. Agamulatile enne Abineri ohokwa.

1 Koronika 12:2

Aliwa kali a nlogo nimohive na Benjami nnga Sawuli. Kali atu owanda voka mafumo eto kowanda voka mabwe na yovokana na manda amenlene, masiki kala ndanda nodjana nari noromana.

Anamasogolrelra 3:15

Noira eno, Ana Izarayeli koholobelaga wa Yehova monla akoka. Evale Yehova ohavenyiheda namaavunela mmohi. Nzina naye ali Ewudi mwana Jera wa nlogo na Benjami. Liye ali mulombwana olabana muwono oromana. Ana Izarayeli kohomurumana mulombwana Ewudi ule misoko diwa ira adowena wa mulombwana Egiloni mwene wa akuda Mowabe.

Anamasogolrelra 3:21

Evale mulombwana Ewudi ohotapulaga ndanda naye na muwononi oromana, liye pululana supada naye nne tambalani waye pandi ya muwononi odjana, liye muwambana mwene ule vambani fendo imohive,

1 Samuweli 26:8

Evale Abizayi ohomuwandelaga Davi eraga: <<Kaing'anani! Mulugu uhuuvahedani peno mwidani wenyu mmandani mwinyu. Nnouvepani ira mudihiye miyo ira dimulate Sawuli na mwanangwaye dimuwambe vateyani vale fendo imohive. Kahi ira nnomulata fendo mbinli. Fendo imohi bahi inokwakwana.>>