2 Samuweli 20:1 - Mazu Otchena a Mulungu

¹ Mwa tempu yairaga atu enne, vevale vohokalaga mulombwana mmohi ohokana mabasa, mwana Bikiri wenno aitaniwa Seba, wa nlogo na Benjami. Mulombwana Seba ule ohoimbaga palraza awongaga eraga: <<Alombwana hiyo kaninna pandi na mwene Davi nne hiyo kannavahiwa jorayela vamohi na mwana Jese. Eni kada muIzarayeli avenye, adowege vande vaye!>>

2 Samuweli 20:1 ပူးပေါင်းရင်းမြစ်များ

Jenesesi 46:21

Benjami aabanle anapongwe ala: Bela, Bekeri, Ajibeli, Jera, Namani, Eyi, Rosi, Mupimi, Hupimu, na Aredi.

2 Samuweli 15:10

Mbwenye Abisalawu agafiyile Eboroni, ohorumihaga milanyo mozembiheya wa malogo matene a Izarayeli eraga: <<Nyo mwavwa palraza irumaga, muwonge ira: <Mulombwana Abisalawu gu mwene unatonga Eboroni.> >>

2 Samuweli 16:11

Noira enne, Davi ohowongagave na Abizayi vamohi na asogolrelraye atene, liye ira: <<Mwana umbanle miyo unodisaka ira adipe! Nnga akala mwanaga ombala miyo unofuna jodipa, nnga ikalele mutu wa nlogo na Benjami ula? Mmuhiye liye asakanye jinafune liye. Mmuhiye liye aditembelrelre, tchoira gu Yehova umurumile ira airena!

2 Samuweli 16:7

Simeyi ohomutembelrelaga Davi eraga: <<Kakumamo muno we mpanga we, mutu ohokana mabasa we!

2 Samuweli 18:17

Evale kohodowaga, aliwa mutitihavo mulombwana Abisalawu, aliwa dowa mutatilela mmulihani afwanyeya muguguruni emule, nomala eno aliwa gudelavo mabwe ohokala a masika vazulu viwa vale. Noira enne, aIzarayeli atene kamuhara Abisalawu kohotawaga, kada mutu liye dowaga vande vaye.

2 Samuweli 20:2

Mwa enne alombwana atene a Izarayeli kohovenyagavo vafwanyeya mwene Davi, aliwa muhara mulombwana Seba mwana Bikiri. Mbwenye alombwana a nlogo na Juda komuhara molimba murima mwene wewa Davi romela Jordawu ante Jeruzalemu.

2 Samuweli 20:22

Evale muhiyanole agamanle wonga mazu anne, ohodowaga roma awandelaga alombwana atene a musidadi mule na zelru daye. Noira enne, kohodowaga, aliwa mpa mulombwana Seba mwana Bikiri, aliwa ngwada muru waye, aliwa tukula murule, vokeda vazulu va muru wa sidadile, dowa morela unde wali Jowabe. Mwa enne mulombwana Jowabe agaonne muru wa Seba, ohoimbaga palraza. Agaimbile palraza anyakondo atene kohomwadeyaga, aliwa ihiya sidadile, kada mutu liye dowaga vande vaye. Eto mulombwana Jowabe ohorungunuwaga, awelelaga wa mwene Davi muJeruzalemu.

2 Samuweli 23:6

Mbwenye atu ohokana mabasa anaza kakale nnga minga dedo nnavokediwa kokolani mwasiwa kannahindiwa na manda!

1 Amwene 12:16

Mwa enne aIzarayeli atene kagumannege evale, kagaonne ira mwene kafuna avwelela yovepa yewa, aliwa kohomuwakulaga mwene keraga: <<Kodi hiyo ninna pandi nni na mwene Davi? Hiyo kaninna yoing'anela inafuna hiyo vahiwa vamohi na Davi mwana Jese. Kambeni nibalaleyeni kada mutu adowege vande vaye. Nyo akuda Davi mwahala, mutonganege nyoka!>> Mwa enne aIzarayeli kohobalaleyaga, kada mutu dowaga vande vaye.

1 Amwene 21:10

Mwaira eno, mwaasakulre alombwana ambinli otakala mirima kadowe sogolro ule, kamusumele ira: <Eni weyo uhumululuviha Mulugu eto uhumululuviha mwene.> Era eno mmutukule liye, mmukumihede unde wa sidadi, mudowe mwampe na mabwe.>>

Markuji 3:24

Akala atu a umwene umohive anogaweya aliwa roma wana oka oka, umwene wenno unagomela mala.

Lukaji 19:14

<<Mbwenye agadowile, anamurala a umwene wafuna liye tonga kagahanle, kohomwida eto koharuma atu ira kadowe, kamuhare, kamuwandele ira: <Hiyo kannafuna ira weyo ukale mwene wehu.>

Lukaji 19:27

Evale ohowongaga eraga: <Mwaazena amwidani atene, anno kahafunile ira miyo dikale mwene wewa, mwaape tchineneva vamentoni vaga daaing'anaga!> >>

Juwawu 13:8

Evale Peduru ohowonga na Yesu ira: <<Kavili jowandeya ira nyo muhuwe manyalo aga.>> Evale Yesu ohomuwakula, liye ira: <<Miyo dahauhuwe, kunna pandi na miyo.>>

Detoronomiyo 13:13

mwavwa ira kohokalawo alombwana angasi angasi kakumile muwari mwa nyo kadowa kawongaga mazu oaholotcha atu anafwanyeya muwari mwa sidadi yewa, kawongaga keraga: <Ndoweni naaharegeni amilugu amohiwa>, amilugu anno mwahaaiziwile nyo,

Anamasogolrelra 19:22

Evale aliwa kahagalalaga, kohokalawo alombwana a sidadile kavenyilege, alombwana otakala mirima, aliwa za rindja nyumbele. Mwa enne kohoromaga gogoda musuwo kamukuwelaga mundimuwole mwinnya wa vande vale, keraga: <<Kamukumihede unde uno mulombwana uzile vande vawo vano ira hiyo nimugonena.>>

Anamasogolrelra 3:27

Evale liye agafiyile, ohoimbaga palraza mmwangoni mwa Efarayimi ira Ana Izarayeli kadowe kondoni. Evale kohotitela mmwangoni mule, aliwa maruwa vamohi na Ewudi ule, liye kala musogolrelri wewa.

Ruti 2:3

Evale Ruti mohoiziwa yengo tchivi, ohodowa mmundani mwa mulombwana Bowazi wenno ali wa muibalini mwa Elimeleki, liye haraga mundulri mwa anamalabaye karenda, liye dodelaga johala jahiya atu.

1 Samuweli 13:2

ohasakulramo alombwana okwakwana 3.000 muwari mwa aIzarayeli. Muwari mwa alombwana 3.000 aasakunlre liye ale, ohatukulaga 2.000, liye adowagana ira kakale na liye sidadi ya Mikimasi, yenno inafwanyeya ilambo ya mmwangoni ya Beteli. Alombwana amohiwa 1.000, liye ahiya na mwanaye Jonata sidadi ya Jibeya, ilambo yakala nlogo na Benjami. Atu atene amohiwa ohala ale, liye aruma aliwa dowaga mmavande mwiwa.

1 Samuweli 2:12

Mulombwana Eli ahimaye kali atu ohokana mabasa, nne Yehova tchambalra.

1 Samuweli 30:22

Mbwenye alombwana amohiwa otakala mirima, abure anno kadowilege na Davi kondoni, kohowongaga aliwa ira: <<Voira afwihu ala tchadowile vamohi na hiyo kondoni, hiyo kannaavahamo jengo jaawakile hiyo aAmaleki ale! So mbwenye aliwa anaatukula ahiyaniwa na ahimiwa bahi, kadowege.>>