2 Samuweli 2:9 - Mazu Otchena a Mulungu

⁹ Kagali wewule Abineri ule omuhambiha Isbozeti ira akale mwene wa akuda Jileyadi, Asuri, Jezereli, Efarayimi, nlogo na Benjami, na ilambo yatene ya Izarayeli.

2 Samuweli 2:9 ပူးပေါင်းရင်းမြစ်များ

Jenesesi 30:13

Mwanole agabaliwile, Leya ohowonga eraga: <<Miyo dihikana hagalala. Eto ahiyana amohiwa kadiona, anoona ira dihikana hagalala.>> Mwa enne ohonvaha mwanole nzina na Azeri [ku wonga hagalala].

2 Samuweli 2:10

Tempu yenne Isbozeti mwana Sawuli ahambihiwaga umwene anna yaka 40. Evale liye agahambihiwe, ohoroma atonga aIzarayeli fiyeda yaka mbinli agalive mwilamboni mwa Mahanayimi mule. Mbwenye Isbozeti tempu yaatonga liye aIzarayeli, mwa tempu yenne atu a muibalini mwa Juda katongiwa na Davi.

2 Samuweli 3:6

Tempu ya kondo muwari mwa umwene wa Sawuli na umwene wa Davi kawana atu, mulombwana Abineri ovisogolriha, undimuwa wanna liye wodowave sogolro vamentoni va atu kahara ja Sawuli.

1 Koronika 12:29

Muwari mwa atu a nlogo na Benjami, Sawuli abalaye kadowile alombwana 3000. Mwa tempu yenne, adjindji mwa aliwa kaharave atu a muibalini mwa Sawuli.

1 Koronika 12:30

Atu a nlogo na Efarayimi kadowile alombwana 20.800, atene anyakondo a kopolo owanda wana kondo eto ovweya muibalini muwa.

Jozuwe 16:5

Ila tchi ilambo ivahiwe maziza a nlogo na Efarayimi nnga mwemo mwaindjivele maziza ewa. Madilre ewa karomile makumelo wa nzuwa wa sidadi ya Ataroti-Adari, dowagave Bete-Horoni wa Nkumani.

Jozuwe 16:8

Kuma evo, madilre ewa karomile sidadi ya Tapuwa dowa mavirelo wa nzuwa muwari mwa mwana muhindje wa Kana ante dowa gomela bara Mediteraniyo. Di ti vilambo davahiwe nlogo na Efarayimi nnga mwemo mwaindjivele maziza ewa.

Jozuwe 16:9

Nlogo nimohive na Efarayimi nne nohovahiwa eto sidadi dimohi diwa na tatamo dimohi diwa dafwanyeya muwari mwa ilambo yavahiwe nlogo na Manasesi.

Jozuwe 17:1

Ila tchi ilambo yavahiwe atu a nlogo na Manasesi mwana murandji wa mulombwana Joze nnga mwemo mwagwenle ngari yewa. Murandji baliwa wa Manasesi aitaniwa Makiri eto ali Jileyadi babaye. Ziza na Makiri nohovahiwa ilambo ya Jileyadi na ilambo ya Bazani mwasiwa kali atu owanda wana kondo.

Jozuwe 18:11

Kagasakanyile jogu ya ngari ile, ngari yoroma yaagwenle atu a nlogo na Benjami nnga mwemo mwaindjivele maziza ewa, ngari yewa yagwenle ilambo yafwanyeya vari va ilambo ya nlogo na Juda na ilambo ya akuda Joze.

Jozuwe 18:20

Muhindje Jordawu ali madilre a makumelo wa nzuwa. Ala kali madilre a ilambo yenno yavahiwe atu a nlogo na Benjami nnga mwemo mwaindjivele maziza ewa.

Jozuwe 19:18

Muwari mwa ilambo yavahiwe atu, sidadi diwa ti di; Jezereli, Kesuloti, Sunemi,

Jozuwe 22:9

Evale atu a nlogo na Rubeni, Gadi, na metadi ya nlogo na Manasesi kohahiya Ana Izarayeli amohiwa Silo ilambo ya Kana, aliwa welela ilambo yewa ya Jileyadi yavahiwe atu kombela ya muhindje Jordawu nnga mwemo Yehova mwawongele liye muwari mwa Mozeji.

Anamasogolrelra 1:32

Mbwenye akuda Azeri ale kakala vamohi na akuda Kana ale. Tchoira aliwa tchaatamangihile.

1 Samuweli 29:1

Ora yenno aFilistewu kafwanyeya kagaagumanihile makuru ewa a anyakondo ilambo ya Afeki. Eto aIzarayeli na aliwene kohodowaga, aliwa kunga misasa diwa wandamelana isime yafwanyeya ndabo na Jezereli.