2 Samuweli 2:6 - Mazu Otchena a Mulungu

⁶ Yehova auoniheni zivela waye ororomeleya! Voira muhusakanya upama mmukoyaga mwene Sawuli, na miyene nnafuna duireleni upama.

2 Samuweli 2:6 ပူးပေါင်းရင်းမြစ်များ

2 Samuweli 10:2

Evale mwanaye ule agahambihiwe, atongaga, mwene Davi ohowongaga eraga: <<Nasi ahanakwe ohodiirela upama. Mwa eno, na miyene nnafuna dimuirele upama mulombwana Anumi mwana Nasi na mwasa wa upama wadiirele babaye!>> Mwa enne oharumaga anamalabaye, liye ira: <<Muvenye mudowe mwamutondole mulombwana Anumi na mwasa oira babaye uhukwa!>> Evale anamalabaye ale kohomaruwaga, aliwa dowa mwilamboni mwa aAmoni.

2 Samuweli 15:20

Weyo uzile mwilamboni muno tchineneva, kodi vihikala wandeya ira miyo peno dutukule ira nitawege vamohi? Tchoira miyo kadiiziwile unadowa miyo. Inafwanela uwele eto wadowaga, waatukule afwawo atene kazile na weyo. Eto upama na tangaranga da Yehova jatene jikale na weyo!>>

2 Samuweli 2:7

Eto yengo imohiwa inauwandelani miyo tchi ila. Eni mwene wenyu Sawuli uhukwa. Vire liye akwa, akuda Juda kadihambihile miyo ira dikale mwene wewa. Nona miyo dafuna ira na nyenne mukale a kopolo eto olimba murima muwari modihara miyo, dikale mwene wenyu!>> > >>

2 Samuweli 9:3

Noira enne, Davi ohomuwandelaga eraga: <<Miyo dauitanela ira dufuke. Kodi muibalini mwa Sawuli kahanlewo nne mutu mmohi ofuna ira miyo dimuirele upama wa Mulugu?>> Evale Ziba ohowakulaga eraga: <<Uhukalawo Mefibozeti, mwana mmohi wa Jonata uhanle, wenno uranganle manyalo amenlene.>>

2 Samuweli 9:7

Noira enne, Davi ohomuwandelaga eraga: <<We mulombwana Mefibozeti kuove mwasiwa miyo nnafuna duirele upama na mwasa wa babawo Jonata wenno ali nfwaga. Miyo nnafuna duwelihede vilambo datene dedo dali da mbwiyawo Sawuli. Weyo eni roma peno dowa sogolro unakalege vamohi na miyo eto unadjege meza imohive na miyo.>>

Ezodu 34:6

Yehova ohoviraga vakwikwive na vevo vafwanyeya Mozeji, awongaga mokuwa eraga: <<Miyo dili Yehova, Yehova Mulugu wa tangaranga, wa sayi, Mulugu odibeliwa takaleliwa eto dili oaziveliwetchetcha atu eto dili Mulugu ororomeleya.

Matewuji 10:16

<<Kaing'anani, miyo nnaurumani nnga muli mabila ira mudowe vari va anambwa a mukokolani. Na mwasa wenno inafwanela mukale oxanga nnga nyowa eto mukale atu ohokana yabure nnga kangayiwa.

Matewuji 5:44

Miyo mbwenye nnauwandelani ira mwaaziveliwege amwidani enyu eto mwaalobelelege atu anne anauharaharani

Matewuji 5:7

Orelihiwa ba atu anne anaawendela afwiwa tangaranga, mwasiwa na aliwene anoza kawendeliwe tangaranga.

Jozuwe 2:14

Alombwanale kohomuwakulaga keraga: <<Weyo wahala, wahaawandele atu izele hiyo, Yehova anivahaga ilambwela, nnouirelani makalelo apama, ororomeleya. Mwaniwombola hiyo ingumi yehu, na hiyene nnouwombolani nyo.>>

Ruti 1:8

Nowemi ohowonga na ajaliye ale eraga: <<Dowani, muwelele mmawaninyu mwakalege na amminyu. Eto Yehova auireleni upama na makalelo nnga nyo mwadiirela nyo upama miyo na ahimaga anno kakwile.