2 Samuweli 2:26 - Mazu Otchena a Mulungu

²⁶ Evale anyakondo a Davi kagafiyile vakwikwive, Abineri ohomukuwelaga Jowabe amuwandelaga eraga: <<Kodi panana unera hiyo wu kunakana goma uwa? Kunawanda iziwa ira wana unera hiyo wu unerege tatamula idana ira udowege musogolrove? Kodi weyo unaza waawandele alini anyakondo awo ira kahiye ahara abaliwa aIzarayeli?>>

2 Samuweli 2:26 ပူးပေါင်းရင်းမြစ်များ

2 Samuweli 11:25

Evale mwene Davi agavwile mazu anne ohomuwandelaga maliba rumiwa ule eraga: <<Wanfwanya mulombwana Jowabe wamuwandele ira ahakukumuwe zela jejo jiireyile. Mwasiwa supada nafunaga pa, kannasakulra. So mbwenye inamukokomeza miyo tchoira inafwanela awane mwa kopolo ira awande gondjiha sidadile. Wadowa wamulimbihena mazu anno.>>

2 Samuweli 2:14

Mwa enne Abineri ohomuwongana Jowabe ule, liye ira: <<Ndowemo naasakulre azombwe agasi angasi muwari mwa anyakondo awo na anyakondo aga, naawanihe ira naaone analimba!>> Evale Jowabe ohowakula, liye ira: <<Kambe.>>

2 Samuweli 2:16

Evale aliwa kohoromaga wana. Fwanyeya ira wana uwa, kada mutu amuhindilege muru wa nfwaye eto na nfwaye wenne liye muhinda muru wa nfwaye, atenene aliwa latana na masupadiwa. Nfwaye amulataga nfwaye eto na nfwaye wenne amulataga nfwaye. Mwa enne atenene kohokwa ora imohive. Na mwasa wenno nimburo nne kohovaha nzina na Helikati-Hazurimi. [Ku wonga munda wa mimbene doirwa]. Nimburo neno nnafwanyeya wandamelana ilambo ya Jibeyawu.

2 Samuweli 2:25

Evale Abineri na anyakondo a nlogo na Benjami anna liye, kohogumanelaga, aliwa dowa vazulu va nkuma mmohiwa. Aliwa vikoza ira kawanege na afwiwa, anyakondo a Davi.

2 Samuweli 2:27

Evale Jowabe ohowakulaga, liye ira: <<Miyo nnolumbela na nzina na Mulugu ira ahakala udikuwela eno miyo anyakondo aga keregeve ahara abaliwa fiyeda metchelo.>>

Izaiya 1:20

Mbwenye mwakonda, mwahadivwelele, munopiwa na supada. Mwasiwa unawonga gu miyo Yehova.>>

Joira ja Anamarumiwa 7:26

Noira enne unde ule mbe, ohowelelaga, liye nfwanya muEberewu na muEberewu nfwaye kawanaga. Mozeji afuna nnga aawandanihe mmohi na nfwaye, liye ira: <Alombwana, nyo muli muibalinive. Nnga munawanela nni?>