2 Samuweli 2:1 - Mazu Otchena a Mulungu

¹ Evale Davi agamanle nla zela ukwa wa Sawuli na Jonata, ohonfukaga Yehova eraga: <<Yehova, miyo podi wela ira didowe sidadi imohi ya Juda dakalege wewo?>> Evale Yehova ohomuwakulaga, liye ira: <<He, kavenya udowe!>> Liye ohonfukagave Yehova eraga: <<Nnga didowe sidadi tchivi?>> Yehova ohomuwakulaga, liye ira: <<Udowe sidadi ya Eboroni!>>

2 Samuweli 2:1 ပူးပေါင်းရင်းမြစ်များ

Jenesesi 13:18

Evale Abaramu agarumiwe enne, ohotamihaga misasa daye, liye dowa kalaga wewo unafwanyeya mitengo da karvaliyo da Mamere sidadi ya Eboroni. Agali wewule ohomanga ibuwa ya mukuto wa Yehova.

Jenesesi 32:2

Jako agaaonne angelro ale, ohowongaga eraga: <<Ale anaza ale ba anyakondo a Mulugu.>> Na mwasa wenne, ohovaha nimburo nne nzina na Mahanayimi.

2 Samuweli 15:7

Mwa enne vagavirile yaka nnayi, mulombwana Abisalawu ohodowaga muwongana mwene Davi eraga: <<Miyo dera mudirumelihe didowe sidadi ya Eboroni, dakwakwanelihede yolumbela yalumbenle miyo na Yehova.

2 Samuweli 2:11

Davi ohatonga akuda Juda sidadi ya Eboroni yaka tanu na mbinli na medi mitanu na mmohi.

2 Samuweli 5:19

Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>>

2 Samuweli 5:23

Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa.

1 Amwene 2:11

Liye atongile sidadi ya Eboroni yaka tanu na mbinli. Eto muJeruzalemu atongilemo yaka 33. Gumaniha yaka datene da umwene waye, Davi aatongile aIzarayeli yaka 40.

1 Koronika 29:7

Ira Nyumba ya Mulugu imangiwe, aliwa kohokumiha matonelada 170 a oru, kobiri da ngwindji ngwindji 10.000, matonelada 340 a parata, matonelada 612 a mukuwa na matonelada 3.000 a momba.

Jozuwe 15:13

Nnga mwemo mwawongele Yehova na mulombwana Jozuwe pandi imohi ya ilambo ya nlogo na Juda kohonvaha mulombwana Kalebi, mwana Jefoni. Jozuwe ohonvaha sidadi ya Eboroni, yenno yali sidadi ya Kiriyati-Araba. Araba ali Anaki babaye.

Anamasogolrelra 1:1

Mulombwana Jozuwe agakwile, Ana Izarayeli kohonfuka Yehova aliwa ira: <<Kodi muwari mwa hiyo, nlogo tivi nnafuna kala noroma ira nidowe nawane na akuda Kana?>>

1 Samuweli 10:22

Noira enne, kohonfuka Yehova, aliwa ira: <<Kodi mutu usakulriwe uli veva?>> Yehova ohowakula, liye ira: <<He uli veva. Eni uvikoyile ule unafwanyeya mitolro ule.>>

1 Samuweli 23:2

Evale Davi agavwile enne, ohonfukaga Yehova eraga: <<Yehova, kodi didowe dawane na aFilistewu?>> Evale Yehova ohomuwakulaga eraga: <<He, kadowa wawane na aFilistewu. Waavunele akuda Keyila!>>

1 Samuweli 23:4

Noira enne, Davi ohonfukaga Yehova akoka, liye ira: <<Yehova, na ibaribari nidowe nawane na aFilistewu?>> Evale Yehova ohomuwakulaga akoka, liye ira: <<Kavenya, udowe Keyila. Tchoira miyo nnouvaheda aFilistewu mmandani mwawo ira waagondjihe!>>

1 Samuweli 30:31

sidadi ya Eboroni, na pandi datene mwemo mulombwana Davi vamohi na alombwanaye ale mwavirile atu malambo a mundulri.