2 Samuweli 19:8 - Mazu Otchena a Mulungu

⁸ Mwa enne mwene Davi ohovenyaga, liye dowa garati va mulango wa sidadi. Noira enne, atu atene kohowandeliwa ira: <<Mwene uhukuma ugarati va mulango.>> Kagavwile enne, atene kohomaruwaga, aliwa dowa vivelela vamentoni va mwene. Fwanyeya ira aIzarayeli atene kamuhara mulombwana Abisalawu kohotawaga, kada mutu liye dowa kala vande vaye.

2 Samuweli 19:8 ပူးပေါင်းရင်းမြစ်များ

2 Samuweli 15:2

Mwa enne va kada unde tcha na mabebehene, Abisalawu ovenya, liye dowa va mulango vavira mutu ira adowe atongiwe na mwene makani anna liye. Abisalawu amuona mutu azagana makani aye, liye omperutcha, nfukaga ira: <<Kodi munakumela waani?>> Evale mutule owakula ira: <<Miyo nnakumela sidadi ya Udje eto dili wa nlogo na Udje.>>

2 Samuweli 18:17

Evale kohodowaga, aliwa mutitihavo mulombwana Abisalawu, aliwa dowa mutatilela mmulihani afwanyeya muguguruni emule, nomala eno aliwa gudelavo mabwe ohokala a masika vazulu viwa vale. Noira enne, aIzarayeli atene kamuhara Abisalawu kohotawaga, kada mutu liye dowaga vande vaye.

2 Samuweli 18:24

Fwanyeya ira mwene Davi tempu yadowilege atwale kondoni, liye agaratilege wu mulango ovolowela, wu mulango okumela unde, vari viwa. Evale eto namaing'anela ohogwelaga vazulu va nyumba wandamelana muru wa sidadile. Agali evale, funa ing'ana olapela wene, ohomuonaga mulombwana mmohi eni atamangaga ekave azaga.

2 Samuweli 18:4

Evale mwene Davi ohowakulaga eraga: <<Miyo nnoirana nnga mwemo munaonela nyo.>> Noira enne, liye okalaga mmambalo mwa mulango. Evale atu atene kohokumaga makuru a 100 na 1.000.

2 Samuweli 19:3

Evale anyakondo atene kohovolowaga musidadi mule mozemba nnga vini mutu agondjihiwa kondoni, akala onyaswene.

1 Amwene 22:36

Mwa enne nzuwa nagavirile, wohovweyaga nizu nakuwaga muwari mwa nikuru na anyakondo a aIzarayeli nne ira: <<Kada mutu adowege sidadi yaye eto kada mutu adowege waniwa!>>

2 Amwene 14:12

Mwa enne aJuda kohogondjihiwa na aIzarayeli, kada mutu roma tawelaga vande vaye.

2 Amwene 8:21

Evale mulombwana Jeyorawu ohomaruwaga na aaterelado aye atene a kondo, liye dowa Zayire. Evale akuda Edomu kohomurindjaga mwene Jeyorawu. Mbwenye na mahiyu, mwenole na anyakondo aye owendiha aterelado kohoroma wana na akuda Edomu. Evale akuda Juda kagomenle tawa, aliwa dowaga mmavande mwewa.

1 Samuweli 4:10

Kagairile enne, aFilistewu kohovenyaga, aliwa dowa roma wana kondo akoka na aIzarayeli. Mwa enne tempu yawana atu, aFilistewu ale kohofiyeda mwezo oagondjiha aIzarayeli. Evale kada mutu otawelaga vande vaye eto kohopiwaga anyakondo a aIzarayeli ohokala a masika okwakwana 30.000 owenda na mendo.