2 Samuweli 19:39 - Mazu Otchena a Mulungu

³⁹ Evale atu atene kagamanle lambuwa muhindje Jordawu eto mwene Davi agalambuwile, ohombejarigi mulombwana Barizilayi eto ohomurelihaga. Noira eno, mulombwana Barizilayi ohowelelaga waniwa.

2 Samuweli 19:39 ပူးပေါင်းရင်းမြစ်များ

Jenesesi 14:19

Aganvahile, Melikezedeki ohomureliha Abaramu eraga: <<Mulugu Okwaranya Jatene, Mwinnya wa ilambo ya zulu na ilambo ya vati aurelihe we Abaramu.

Jenesesi 28:3

Mulugu wa Kopolo Datene aurelihe, auvahe ahima oindjiva, auindjivihe ira mwa weyo mukume malogo madjindji.

Jenesesi 31:55

Mmetcheloni muwa na mabebehene, Labawu ohovenya dowa akumbarela ahimaye ambinli ale vamohi na azuliye, liye areliha. Noira eno, ohovenyaga, awelelaga mundulri, liye dowaga waniwa.

Jenesesi 45:15

Noira eno, Joze ohabejarigi abalaye atene anne, aakumbarelaga, anlaga. Nomala eno, abalaye ale mirima diwa dohokurumuwaga, aliwa roma wonga na Joze.

Jenesesi 47:10

Noira enne, Jako ohomurelihaga mwene Farawu fendo yanembinli. Nomala liye venyavo vamentoni va mwene vale, liye dowaga.

Jenesesi 47:7

Noira enne, Joze ohovenyaga, liye mutukula babaye Jako, mudowana vamentoni va mwene Farawu. Evale Jako ohomureliha mwene Farawu.

2 Samuweli 13:25

Mbwenye mwene ohomuwakulaga Abisalawu, liye ira: <<Nari mwanaga! Hiyo nadowa atene, nnosimbwa usimeliha!>> Evale Abisalawu ohomukanyihedagave mwene ira adowewo. Mbwenye liye kafunilege, so anvahilege mareliho aye bahi.

2 Samuweli 14:33

Mwa enne mulombwana Jowabe ohodowa wa mwene Davi, liye muwandelamo jatene jawongile Abisalawu. Davi agavwile, ohomuitaniha mwanaye ule ira kagumane. Kagagumanne, Abisalawu ohomukokorela mwene, aoramihedaga kove yaye vati. Evale mwene Davi ohombejarigi Abisalawu.

2 Samuweli 19:38

Evale mwene Davi ohowakulaga eraga: <<Kima unadowege vamohi na miyo wewo unayege miyo. Miyo nnomuirela makalelo matene ouzivelani. Eto yengo ili yatene inafune nyo nnga miyo dimuirele, miyo nnomuirela!>>

2 Samuweli 6:18

Agamanle velela mikuto dotumeya na jovelela ja murendele jile, ohareliha atu atene mwa nzina na Yehova wa Makuru Matene.

2 Samuweli 6:20

Noira enne, mwene Davi ohodowa ira aarelihe atu a vande vaye. Mbwenye afiyaga wene vande vale, muhiyanaye wenno aitaniwa Mikali mwana Sawuli ohozaga gumana na liye eraga: <<Kodi jaira we jile peno ali nni? We kalaga nnga zimora ohokana manyazo, we waraga johokala pama, roma aoniha jengo jokoyeya ahiyana anno anaalaba anamalabinyu!>>

1 Amwene 19:20

Evale mulombwana Elizewu ohiyaga ng'ombe dile, liye muharaga Eliya, liye wonga eraga: <<Dihiyeni didowe damulanye babaga na mmaga, era eno, duharegeni!>> Mwa enne Eliya ohomurumelaga eraga: <<Kadowa, miyo kannaukondiha. So mbwenye amala uwele.>>

Lukaji 2:34

Nomala enne, Simeyawu oharelihaga, amuwandelaga Mariya mmaye Yesu eraga: <<Kaing'ana, mwanola gusakulriwe na Mulugu ira akale mutu oagudjula atu adjindji a aIzarayeli no avenyiha atu adjindji a aIzarayeli. Liye gunafuna kala ionihedo ya Mulugu. Atu adjindji anerege wonga jabure zela liye.

Joira ja Anamarumiwa 20:37

Nolobela, atene kohonlaga valukulu, aliwa mukumbarela, mbejari.

1 Tesalonika 5:26

Mwaalondjelege abalihu atene na beju dotchenihiwa.

Ruti 1:14

Evale aliwa kohoromaga nla akoka mokuwa. Mwa enne Orufa ohomulanyaga nijaliye na beju, nomala eno liye welelaga waniwa. Mbwenye Ruti ohomukamelelaga nijaliye ule.

1 Samuweli 24:22

Evale Davi oholumbelaga. Nomala eno, Sawuli ohowelelaga vande. Davi na alombwanaye mbwenye tchawenle na Sawuli. Aliwa kohowelela mundulri dowa nimburo nofwanela tawelamo.