2 Samuweli 19:24 - Mazu Otchena a Mulungu

²⁴ Mwa tempu yenne mulombwana Mefibozeti, muzula wa Sawuli, na liyene ohodowaga ira agumane na mwene Davi. Fwanyeya ira romela siku nakumilegemo mwene Davi musidadi mule fiyeda siku nenne, liye nne kahuwile mendo daye nne kasatile ndevu, nne jowara jaye kafulrile.

2 Samuweli 19:24 ပူးပေါင်းရင်းမြစ်များ

2 Samuweli 12:20

Mwa enne mwene Davi agavwile ira: <<Mwanole uhukwa>>, ohovenyaga vati valigi liye vale, liye dowa hamba, vizoliha makura pama, liye dowa wara jowara japama. Nomala enne, ohodowaga volowa muNyumbani mwa Yehova, liye dowa mutamalela. Noira eno, ohowelaga, liye dowa vande vaye. Agadowile, ohovepaga ira: <<Kadivaheni yodja!>> Evale kohonvahaga, liye dja.

2 Samuweli 15:30

Evale Davi ohogwelaga nkuma wa Mitengo da Azeti no nla waye wene. Ohopotaga muru waye eto awendaga eno ahanna sapato. Eto atu atene kafwanyeyaga vamohi na liye kohomalaga pota miru diwa, kanlaga.

2 Samuweli 16:3

Evale mwene Davi ohonfukaga akoka, liye ira: <<Nnga marafula patarawawo muzuliye Mefibozeti uli waani?>> Ziba ohomuwakulaga mwene eraga: <<Liye uhanle muJeruzalemu. Tchoira liye uwongile ira: <Peno mulogo wa aIzarayeli anodivaheda umwene wa mbwiyaga Sawuli!> >>

2 Samuweli 9:11

Evale liye ohowakulaga eraga: <<Mbwiyeni miyo dagali namalaba wenyu nnoirana jatene nnga mwemo muwongele nyo!>> Kuma evale dowaga sogolro, mulombwana Mefibozeti adja vamohi na mwene Davi nnga mwanaye.

1 Amwene 2:8

Davi ohowongagave eraga: <<Eto kumudiwale mulombwana Simeyi, mwana Jera wa sidadi ya Bawurimi wa nlogo na Benjami. Liye ohoditembelrelraga na matembelrelro abure, tempu yadowaga miyo Mahanayimi. Mbwenye diwelagawo, liye agazile gumana na miyo wandamelana muhindje Jordawu, miyo doholumbela na nzina na Yehova ira: <Kadiza dupiha na supada.>

Ezodu 19:10

Evale Yehova ohowonga na Mozeji akoka eraga: <<Udowe wa Ana Izarayeli, waasakanyede peno na metchelo ira kakale otchena eto kafulre jowara jiwa.

Izaiya 15:2

Atu a Diboni anadowa nyumba da amilugu ewa, anadowa mamburo otama otamalela vikwamutu josema ira kanlege. Akuda Mowabe ananlela sidadi ya Nebo na sidadi ya Medeba. Miru datene dili mpalrave, eto ndevu datene dihimala satiwa.

Matewuji 6:16

<<Eto mwajejuwarigi, kamukalege sisee nnga jinera angongomwa. Mwasiwa aliwa kajejuwarigi, anosandutcha kove diwa ira atu kaaone ira peno atwale anajejuwari. Na ibaribari nnouwandelani ira aliwa kohomala watchela yotambilra yewa.

Roma 12:15

Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege.

Eberewu 13:3

Eto kamwaadiwalege ale anafwanyeya mukadeya. Mwaairelege upama muwari moumbuwela kalaga nnga na nyenne muli mukadeya vamohi na aliwa. Kamwadiwalege eto ale anaireliwa ubure vasayi mwasiwa na nyenne tambe muli atu okalawo na maningo.