2 Samuweli 19:19 - Mazu Otchena a Mulungu

¹⁹ <<Mbwiyeni miyo nnauvepani ira mudikurumuwele zela yabure yauireleni miyo siku mwakumaga nyo Jeruzalemu. Mudiwale zela yenno yasakanyile miyo, nne kamuumbuweleve akoka!

2 Samuweli 19:19 ပူးပေါင်းရင်းမြစ်များ

2 Samuweli 13:20

Evale murongoliye Abisalawu agamuonne anlaga enne azaga, ohonfukaga, liye ira: <<Katchiye, kodi murongoliyo Aminoni wire ugoniha? Kamiyala, kukukumuwe, tchoira liye gu murongoliyo.>> Mwa enne Tamari ohokalaga mudiye vande va murongoliye Abisalawu vale aganna kumbanya.

2 Samuweli 13:33

Nona inafwanela nyo mbwiyeni so mwene mwahakukumuwe ira atene kohokwa! So mbwenye ukwile gu Aminoni bahi!>>

2 Samuweli 19:18

Evale aliwa koholambuwaga valambuwetcha atu, kamuharelaga mwene Davi ira kamukamihede eto kaalambutche alombwana kafwanyeya vamohi na liye eto ira kairena yengo ili yatene yafuna mwene. Evale mwene Davi afunaga jolambuwa muhindje Jordawu, mulombwana Simeyi mwana Jera gwaligi murandji, liye maruwa dowa mukokorela mwene Davi eraga:

Izaiya 43:25

<<Miyo gu miyene nnatimiha joviringaniha jenyu ira undimuwa waga uoneye. Miyo kannawelela umbuwela jotega jenyu.

Matewuji 27:4

Agaafwanyile, ohowongaga eraga: <<Miyo dihitega muwari moguliha sangiri na mutu ahategileve!>> Evale aliwa kohowakulaga, aliwa ira: <<Hiyo jejo kaniiziwile. Jejo jawo weka!>>

2 Korinto 5:19

Ku wonga Mulugu muwari mwa Kiristu uhawandaniha atu a ilambo ya vati vamohi na liye, ahaagwihilena mulandu zela joviringaniha jiwa eto anivahedaga mabasa oawandela atu makalelo owandana na Mulugu.

1 Samuweli 22:15

Eto miyo ira dinfuke Mulugu zela yafuna mulombwana Davi ira, kahi fendo yoroma irana. Miyo diromileve irana wanle. Nyo kamudinukedege miyo nne kammunukede mutu mmohiwa wa muibalini mwaga ira nnoupanganelani nyo. Tchoira miyo namalaba wenyu jinawonga nyo jo, kadiiziwile nne vang'onove!>>

1 Samuweli 25:25

Yoroma mbwiyeni inafwanela jatene jiwongile mulombwana Nabali mudiwale. Tchoira Nabali gu mulombwana wabure. Liye na ibaribari makalelo aye analinganave na nzina naye neno. Mwasiwa nzina na Nabali nnatapulela uzimora eto liye gu zimora. Mbwenye alombwana anno mwaarumile nyo kagazile, miyo namalaba wenyu kadaaonne.

1 Samuweli 26:21

Evale Sawuli ohowongaga eraga: <<Na ibaribari mwanaga Davi miyo duhutegela! Mwanaga, kawelela vande na miyo! Miyo kadiza duirela yabure ili yatene, mwasiwa weyo uhuwanda koya ingumi yaga mahiyu anna, we kudipile. Miyo dali nnga zimora mwa joira jaga. Na ibaribari miyo dihiviringaniha!>>