2 Samuweli 19:14 - Mazu Otchena a Mulungu

¹⁴ Mwa enne Davi ohowanda ganyalri mirima da alombwana atene a Juda. Noira eno, aliwa kohorumihaga milanyo wa Davi ira: <<Mwene Davi hiyo nnafuna muwele vamohi na atwinyu atene.>>

2 Samuweli 19:14 ပူးပေါင်းရင်းမြစ်များ

2 Samuweli 17:25

Abisalawu eto ohomuhambiha mulombwana Amasa, liye kala musogolrelri mundimuwa wa anyakondo aye vamalroni va Jowabe. Amasa babaye ali mulombwana mmohi eni aitaniwa Jeteri, nkuda Jomayili, wenno amutenle Abigayeli mwana Nasi. Abigayeli eto ali Zeruwiya mbalaye eto Zeruwiya ali Jowabe mmaye.

2 Samuweli 20:4

Jagaireyile enne, mwene Davi ohowongaga na mulombwana Amasa eraga: <<Udowe waagumanihe alombwana atene a nlogo na Juda muwari mwa malambo mararu, kaze wa miyo eto na wenne uze vamentoni vaga.>>

2 Samuweli 22:44

Nyo muhuwanda divunela mmaduguduguni mwali miyo na mulogo waga eto muhuwanda divaha ira dikale mwene wa malogo oindjivene. Atu dahaaiziwile miyo voroma vene, peno anadilaba miyo.

2 Samuweli 3:9

Tchoira Yehova oholumbela voroma vene ira: <Sogolro nnafuna dimuwake Sawuli vamohi na ahimaye umwene waye dinvahede Davi ira atongege aJuda vamohi na aIzarayeli ira Davi atongege ilambo ya Izarayeli yatene kuma ilambo ya Dani fiyeda ilambo ya Beriseba.> Mbwenye jatene jejo jalumbenle Yehova unafuna kwakwaneliheda gu miyo. Miyo peno nnolumbela ira dahauwake umwene unna we, Mulugu aditonge dagali Abineri na makalelo anafuna liye!>>

2 Samuweli 5:1

Jagaireyile enne, malogo matene a Izarayeli kohomaruwaga, aliwa za nfwanya mwene Davi Eboroni ule. Kaganfwanyile, kohomuwandelaga keraga: <<Hiyo nili makuva amohive na maningo amohive na nyo.

Joira ja Anamarumiwa 4:32

Mwa ora yenno atu atene omuroromela Yesu kohokana joumbuwela jimohive na mirima dimohive. Kalivo awonga zela jaye ira: <<Eji jaga>>, mbwenye kovahana jatene janna atu.

Anamasogolrelra 20:1

Noira enne Ana Izarayeli kohomaruwaga eto anamwindji atene kohogumanelaga nnga mutu mmohive, kuma Dani ante Beriseba vamohi na ilambo ya Jileyadi, aliwa dowa vamentoni va Yehova ilambo ya Mizipa.