2 Samuweli 19:1 - Mazu Otchena a Mulungu

¹ Noira enne, mulombwana Jowabe ohowandeliwa ira: <<Mwene Davi uhutomola kuto, amukumbanyaga mwanaye Abisalawu.>>

2 Samuweli 19:1 ပူးပေါင်းရင်းမြစ်များ

Jenesesi 37:35

Mwa enne anaye atene, anavihiyana, anapongwe, kofunafuna ira kammiyalihe babiwa ule. Mbwenye Jako kawanda miyaliheya. Ohowonga eraga: <<Nnerege nla eni fiyeda dikwe, didowe Nimburo na Anokwa dagumane na mwanaga.>> Mwa enne ohokalelave munlela mwanaye.

2 Samuweli 18:12

Mulombwanole ohomuwakulaga Jowabe eraga: <<Masiki ahakale nyo muhela mmandani mwaga kobiri da parata 1.000, miyo kadawande muirela yabure mwana mwene. Tchoira hiyo nihivwa mwene auwandelagani nyo na Abizayi na Itayi airaga: <Mwadowa kamumuirele yabure muzombwaga Abisalawu!>

2 Samuweli 18:14

Evale Jowabe ohowakulaga eraga: <<Miyo eto kadidibeliwege diwongaga na weyo eni!>> Evale ohotukulaga mwanango miraru, liye dowa nfwanya Abisalawu, liye mulatana mirimani agalive wa meswene zulu ule mmutengoni mwa karvaliyo mule.

2 Samuweli 18:20

Jowabe mbwenye ohomuhiyihaga, liye ira: <<Peno unafuna dowa muwandela mwene kahi weyo. Fendo ila unafuna dowa muwandela unakala mutu mmohiwene mwasiwa mwana mwene uhukwa.>>

2 Samuweli 18:33

Evale mwene Davi agavwile enne ohokumbanyaga valukulu. Evale ohovenya, liye roma gwela sala yenno yafwanyeya vazulu va mulango vale. Adowaga onlaga eraga: <<Mwanaga Abisalawu! Mwanaga, mwanaga Abisalawu! Yali yapama miyo dahakwe vamalroni vawo mwanaga Abisalawu, mwanaga, hiya weyo kwa!>>

2 Samuweli 18:5

Evale aliwa kadowaga, mwene Davi ohawandelaga asogolrelri a anyakondo ale Jowabe na Abizayi na Itayi, eraga: <<Nyo akala munodiziveliwa miyo, kamumuirele yotakala muzombwe waga Abisalawu!>> Davi awongaga enne na asogolrelri ale zela Abisalawu, anyakondo atene kohovwaga.

2 Samuweli 19:2

Na mwasa wenne, anyakondo a mwene Davi kagavwile ira: <<Mwene Davi unamunlela mwanaye!>>, teyela wannaga atu zela agondjiha amwidani wohotchindjeyaga, aliwa kala kumbanya.