2 Samuweli 18:9 - Mazu Otchena a Mulungu

⁹ Kondo yagali vari, Abisalawu agagwenle kavaru waye awendaga, ohagumanagana alombwana angasi angasi a Davi. Agaaonne anyakondo a Davi ale kazaga, ohomaruwaga atawaga. Mbwenye tempu yatawa liye ile, na mwasa oira liye otamangaga na makalelo ohokala a masika, kavaru agwenlege liye ule ohoviraga vati vali tambi pwi eni da mutengo mulukulu wa karvaliyo. Evale muru wa Abisalawu ohoparaga mpinyingalrani mwa tambi da mutengole, kavaru waye ule liye dowagave, nne kaimenle. Evale liye ohalaga evale lrelreya muzulu muzulu.

2 Samuweli 18:9 ပူးပေါင်းရင်းမြစ်များ

2 Samuweli 13:29

Evale anamalaba a Abisalawu ale kohoirana nnga mwemo mwawandeliwele atu, aliwa mpa mulombwana Aminoni. Evale mulombwana Aminoni agapiwe, ahima atene a Davi kohovenyaga, kada mutu liye gwela vakavaruni vaye, aliwa tawa.

2 Samuweli 14:26

Eto liye nsisi naye nali nlukulu. Magomelo wa kada yaka, liye osatetcha nsisi naye nne, mwasiwa nomunyemela. Asata, nsisi nne, apima nyemela uwa, nanyemela kilu mbinli, molingana na kilu yafuna mwene ira atu kalabegena.

2 Samuweli 17:23

Mwa enne mulombwana Ayitofeli agaonne ira zelru dawongile liye kadahariwe, ohela yogaratela vaburuni vaye, liye gwelavo, dowa vande vaye sidadi ya waniwa. Agafiyile wewule, ohagawela atu johala jejo jafuna liye hiya. Nomala enne, ohovimangelelaga, liye kwa. Agakwile ohokoyiwa masiyeni wewo wakoyiwe babaye.

2 Samuweli 18:10

Evale ohokalagavo mulombwana mmohi amuonnege. Agamuonne, ohodowaga muwandela mulombwana Jowabe ira: <<Miyo dihimuona mulombwana Abisalawu agaparile mmutengoni mwa karvaliyo agali lrelreya muzulu muzulu!>>

2 Samuweli 18:14

Evale Jowabe ohowakulaga eraga: <<Miyo eto kadidibeliwege diwongaga na weyo eni!>> Evale ohotukulaga mwanango miraru, liye dowa nfwanya Abisalawu, liye mulatana mirimani agalive wa meswene zulu ule mmutengoni mwa karvaliyo mule.

2 Samuweli 18:8

Kondo yatatamuwilege ilambo yenne yaligi kondo yogomiha niso. Tchoira guguru yohapaga atu adjindji kwaranya atu anne kapiwe na supada.

Matewuji 27:5

Evale mulombwana Judasi Iskariyoti ohovokeda kobiri dile muNyumbani mwa Nabwiya, liye dowaga jaye. Agadowile, ohovimangelelaga, liye kwa.

Markuji 7:10

Tchoira Mozeji ohowonga ira: <Umurihedege babawo na mmawo.> Eto ohowonga ira: <Mutu wenno unawonge ubure zela wa mmaye nari wa babaye, inafwanela apiwe!>

Galasiya 3:13

Kiristu uwandile niwombola ira nahatembelrelreye zela hakwakwaneliheda wehu malamulo. Liye ohoniwombola muwari motembelrelreya vamalroni vehu. Kalaga nnga ilrembiwe mMazuni ira: <<Otembelrelreya gu mutu wenno unatomeyiwa vaimirini.>>

Detoronomiyo 21:23

maningo aye kikaleve vaimirini evale fiyeda unde tcha. Mbwenye inafwanela akumihiwevo, adowe atimbeliwe siku neno, tawiha ira unatakalihe ilambo yenyu yenno Yehova Mulugu wenyu unafuna liye uvahani nnga yowatchela yenyu, tchoira maliba tomeyiwa vaimirini gu mutu otembelrelriwa na Mulugu.>>

Detoronomiyo 27:16

<<Mutu wenne unamulramwise babaye nari mmaye, uhutembelrelreya.>> Era eno atu atene kawakule kaire: <<Ame!>>

Detoronomiyo 27:20

<<Mutu wenne unagone na muhiyana wa babaye, uhutembelrelreya. Tchoira uhumuwungula babaye.>> Era eno atu atene kawakule kaire: <<Ame!>>