2 Samuweli 18:32 - Mazu Otchena a Mulungu

³² Davi ohonfukaga, liye ira: <<Nnga muzombwe Abisalawu uli wapamene?>> Nkuda Kusi ule ohowakulaga eraga: <<Mbwiyeni so mwene, ili yapama imuireyele muzombole ikale inafuna aireyela amwidaninyu na atene anavenya ira kauireleni ubure!>>

2 Samuweli 18:32 ပူးပေါင်းရင်းမြစ်များ

2 Samuweli 18:21

Noira enne, mulombwana Jowabe ohomuwongana mulombwana mmohi nkuda Kusi, liye ira: <<Weyo mbwenye venya, udowe wamuwandele mwene Davi zela jatene jionne we kondoni uno!>> Nkuda Kusi ule ohokokoraga vamentoni va Jowabe, nomala liye maruwa roma tamanga adowaga ira amuwandele mwene Davi.

2 Samuweli 18:29

Evale Davi ohonfukaga, liye ira: <<Nnga muzombwe Abisalawu uli wapamene?>> Mulombwana Ayimazi ohowakulaga, liye ira: <<Mulombwana Jowabe adirumaga miyo namalaba wenyu, so daonne wewule wagali madugudugu ohokala a masika. Mbwenye kadiiziwile iireyilewo.>>

Daniyeli 4:16

Amala zelru daye ditchindjeye ira ahakayena zelru da mutu, mbwenye akayena zelru da anavinyama. Ante vivire tempu tanu na mbinli.

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Anamasogolrelra 5:31

<<Yehova amwidaninyu atene katolowe na makalelo amohive anno! Mbwenye atu anne anauziveliwani, kakale nnga nzuwa nakumaga mwa kopolo diwa.>> Mwa enne ilambo yohokana murendele fiyeda yaka 40.

1 Samuweli 25:26

Dizaga eni mbwiyeni, ilukuluwa inafwanela muiziwe ira gu Yehova udirumile malro ouhiyihani ira nyo mbwiyeni mwahawande aweliheda kunyakunya amwidaninyu, nne mwahavuvihe sangiri newa. Mbwenye miyo peno nnawonga vamentoni venyu vamohi na vamentoni va Yehova ira miyo nnafuna nnga amwidaninyu vamohi na atu atene anafuna jouirelani ubure, katongiwe na makalelo nnga anafuna tongiwa Nabali.