2 Samuweli 18:19 - Mazu Otchena a Mulungu

¹⁹ Kondoni ule Ayimazi mwana Zadoki ohowongaga eraga: <<Miyo nnafuna ditamange, didowe wa mwene Davi damuwandele ira: <Peno Yehova uhaweliheda kunyakunya amwidaninyu!> >>

2 Samuweli 18:19 ပူးပေါင်းရင်းမြစ်များ

2 Samuweli 15:27

Davi ohowongagave na namakuta Zadoki eraga: <<Weyo kuli namaona? Uvenye weyo na Abiyatare, muwelelege musidadi mwa murendele eto mwadowaga, mwaatukule ahiminyu ambinli, mwanawo Ayimazi vamohi na Jonata mwana Abiyatare.

2 Samuweli 15:36

Eto ahimiwa ambinli Ayimazi, mwana Zadoki, na Jonata mwana Abiyatare, anafwanyeya wewo. Aliwene banazege kadiwandelege jatene jinavwege we wewule. Waira eno mbwenye uhudikamiheda!>>

2 Samuweli 17:17

Evale Zadoki na Abiyatare kohomuwandela namalaba mmohi wa muhiyana, wenno kanvahile atu mabasa ira atamangegena joireya amuwandelege Jonata na Ayimazi, anno kali aliba fiyiha jowonga jatene wa mwene Davi. Tchoira Jonata na Ayimazi, kamudediha namwali ule wandamelana isime ya Rojeli, tawiha ira kera kavolowe musidadi mule, tempu inakumege atu ira kadowe kamuwandele mwene Davi, anaoniwe na atu.

2 Samuweli 18:20

Jowabe mbwenye ohomuhiyihaga, liye ira: <<Peno unafuna dowa muwandela mwene kahi weyo. Fendo ila unafuna dowa muwandela unakala mutu mmohiwene mwasiwa mwana mwene uhukwa.>>

2 Samuweli 18:23

Mbwenye mulombwana Ayimazi ohokalelagave ntindi kwi: <<Nari, miyo nnafunave didowe bahi!>> Noira eno, Jowabe ohowongaga eraga: <<Tabo kadowaga!>> Evale liye ohovenyaga atamangaga aharaga ndila yapama yohokana mikuma eto ohodowaga mukwaranya nkuda Kusi ule, liye kala vasogolro.

2 Samuweli 18:31

Noira enne, nkuda Kusi ule ohofiyaga, liye kwi: <<Mbwiyeni so mwene miyo nnazana muselu wapama! Tchoira peno Yehova uhuuvunelani mmandani mwa amwidani atene kavenda jouirelani yabure!>>

Roma 12:19

Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu. Kalaga nnga mazu a Mulugu kalrembiwe wanle oira: <<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >>