2 Samuweli 17:17 - Mazu Otchena a Mulungu

¹⁷ Evale Zadoki na Abiyatare kohomuwandela namalaba mmohi wa muhiyana, wenno kanvahile atu mabasa ira atamangegena joireya amuwandelege Jonata na Ayimazi, anno kali aliba fiyiha jowonga jatene wa mwene Davi. Tchoira Jonata na Ayimazi, kamudediha namwali ule wandamelana isime ya Rojeli, tawiha ira kera kavolowe musidadi mule, tempu inakumege atu ira kadowe kamuwandele mwene Davi, anaoniwe na atu.

2 Samuweli 17:17 ပူးပေါင်းရင်းမြစ်များ

2 Samuweli 15:27

Davi ohowongagave na namakuta Zadoki eraga: <<Weyo kuli namaona? Uvenye weyo na Abiyatare, muwelelege musidadi mwa murendele eto mwadowaga, mwaatukule ahiminyu ambinli, mwanawo Ayimazi vamohi na Jonata mwana Abiyatare.

2 Samuweli 15:35

Tchoira mulombwana Zadoki na Abiyatare kali wewo. Weyo unerege dowa waawandelege anamakuta ale jatene jinavwege we nyumbani wa mwene.

2 Samuweli 15:36

Eto ahimiwa ambinli Ayimazi, mwana Zadoki, na Jonata mwana Abiyatare, anafwanyeya wewo. Aliwene banazege kadiwandelege jatene jinavwege we wewule. Waira eno mbwenye uhudikamiheda!>>

1 Amwene 1:42

Evale awongagave enne, tchi tempu yafiyaga mulombwana Jonata mwana namakuta Abiyatare. Adoniya agamuonne Jonata azaga, ohowongaga eraga: <<Kafiya, mwasiwa weyo uli mulombwana wapama. Eto unazana jengo japama ira uniwandele!>>

1 Amwene 1:9

Evale mulombwana Adoniya ohotukulaga mabila, ng'ombe na ana ng'ombe oruva, liye aitana abalaye atene anno kafwanyeya kagali ana Davi na anamalaba atene a Davi anno kali alombwana a Juda, aliwa dowa vamohi wandamelana nibwe na Zoweleti neno nnafwanyeya wandamelana isime ya Rojeli. Kagafiyile wewule, Adoniya ohopaga anavinyama, liye velela mikuto muwari mohambihiwa umwene.

Jozuwe 15:7

Madilre ale kogwelave ante ndabo na Akori dowagave ante ilambo ya Debiri eto kovira pandi ya norti wa ilambo ya Jiligali inafwanyeya sogolro wa nkuma wa Adumimi, dowagave pandi ya suli wa mwana muhindje. Madilriwa kodowave ante nimburo wali visime da Semeji dowa vang'onove wewo wali isime ya Rojeli.

Jozuwe 18:16

Noira eno, madilriwa kohotitagave fiyeda magomo wa mwango usakanyile madilre na ndabo na Mwana Hinomi pandi ya norti wa ndabo na Refayina. Madilre anno koharave ante pandi ya suli wa ndabo na Hinomi eto kodowave pandi ya suli wa nkuma wa aJebuzi, katitaga fiyeda isime ya Rojeli.