2 Samuweli 17:11 - Mazu Otchena a Mulungu

¹¹ Miyo nnouxangihani nyo so mwene. Mwafunaga ira mudowe mwawane na Davi, muvenye nyenne mwaagumanihe aIzarayeli atene romela ilambo ya Dani ante ilambo ya Beriseba, muwande agumaniha atu oindjiva nnga miseva da mutcherelani mwa bara eto na nyenne mudowe kondoni.

2 Samuweli 17:11 ပူးပေါင်းရင်းမြစ်များ

Jenesesi 13:16

Miyo nnoaindjiviha ahimawo a musogolro ira kakale nnga tumbulru nnafwanyeya mwilamboni ya vati. Voira tumbulru nnafwanyeya mwilamboni kalivo unawanda kontari, ahimawo na aliwene kiza kakontareyaga.

Jenesesi 21:14

Noira enne, mmetcheloni muwa na mabebehene, mulombwana Abarahamu ohovenya, liye tukula pawu na kantilu osakanyiwa na tembe mwagali mahindje, liye nkapatchiha Agari. Eto ohonvaheda mwanaye ule, liye muruma ira adowege. Evale Agari agatamangihiwe, ohovenya apupuruwaga, awendaga muwari mwa kokola ya Beriseba.

Jenesesi 22:17

mwa ibaribari miyo nnoureliha eto nnoza daaindjivihe ahimawo a musogolro kakale nnga indjiva wa nyenyedi da zulu eto nnga miseva da mutcherelani mwa bara. Aliwa anoza kagondjihe sidadi da amwidaniwa ira dikale dewa.

2 Samuweli 12:28

Mwa eno, miyo nnaurumihedani milanyo nyo so mwene Davi ira mwaagumanihe anyakondo kahanle ira muze, mugondjihe sidadi yatene, tawiha ira miyo nnaigondjihe meka, irome itaniwa na nzina naga.>>

2 Samuweli 24:2

Evale mwene Davi ohomuwandelaga Jowabe musogolrelri waye wa anyakondo afwanyeya na liye eraga: <<Uvenye uwendawende muwari mwa malogo matene a Izarayeli, roma Dani ante dowa Beriseba, waakontari atu atene ira uiziwe indjiva uwa.>>

1 Amwene 20:10

Mwa enne mulombwana Beni-Hadade, ohorumihaga milanyo dimohi diwa wa mwene Akabe ule alumbelaga ira: <<Samariya nahalawo tumbulru nofiyeda atwaga anadihara kawanda zaliha kada mutu ndanda naye naye, amilugu kaditonge na makalelo anafuna liye.>>

1 Amwene 4:20

AJuda na aIzarayeli kali oindjivetchetcha nnga miseva da mutcherelani mwa bara. Aliwa kodja, kong'wa eto kohagalala.

Jozuwe 11:4

Atene anne kagavwile milanyo dile, kohovenyihanaga na anyakondo ewa ohokala a masika, oindjiva nnga miseva da mutcherelani mwa bara. Eto kohokana kavalo didjindji na aaterelado ohokala a masika a kondoni.

Anamasogolrelra 20:1

Noira enne Ana Izarayeli kohomaruwaga eto anamwindji atene kohogumanelaga nnga mutu mmohive, kuma Dani ante Beriseba vamohi na ilambo ya Jileyadi, aliwa dowa vamentoni va Yehova ilambo ya Mizipa.

1 Samuweli 13:5

AFilistewu na aliwene eto kohogumanaga ira kadowe kawane na aIzarayeli. Aliwa kohokana aterelado 30.000 a kondoni, na atu 6.000 aliba wendiha kavalo, vamohi na anyakondo ohokala a masika oindjiva nnga miseva da mutcherelani mwa bara. Aliwa kohogundeya dowaga ante Mikimasi, makumelo wa nzuwa wa sidadi ya Bete-Aveni, aliwa kunga misasa diwa wewule ira kawane na aIzarayeli.

1 Samuweli 3:20

Mwa enne aIzarayeli atene kuma ilambo ya Dani fiyeda ilambo ya Beriseba kohomala iziwa ira Samuweli gu namafiyiheda wa Yehova.