2 Samuweli 17:10 - Mazu Otchena a Mulungu

¹⁰ Eto jaireya eno masiki mulombwana wenne ali olimba murima nnga podogoma, avwa mazu oira: <Anyakondo a Abisalawu kohogondjihiwa na mwene Davi>, liye mmirimani mwaye kanakana kopolo doira unodowa awane na Davi akoka. Tchoira aIzarayeli atene kohomala iziwa ira babawo vamohi na anyakondo aye anna liye ba a kopolo!

2 Samuweli 17:10 ပူးပေါင်းရင်းမြစ်များ

Jenesesi 49:9

Weyo Juda unakala nnga podogoma mung'onong'ono wenno unakuma masayelo agahindile mwanainyama. Liye unokokora, liye vikunga nnga podogoma wa mulombwana nari podogoma wa muhiyana. Kodi bani unafuna muwaniheda?

2 Samuweli 1:23

Sawuli na Jonata aliwa kali afwihu apama naaziveliwa hiyo. Kahanakwe, aliwa tchamwalana. Eto na ukwa wene kimwalanile. Aliwa kahanakwe kali obaranya kwaranya akakozi eto kali atu a kopolo kwaranya apodogoma.

2 Samuweli 17:9

Eni vano liye uhumala vitala mmulihani, owu hehi nimburo nimohi niwa nene. Eto alombwana enyu kadowa, kapiwa angasi angasi kondo yoromene, atu kavwa, anerege wonga ira: <Eni ale kamuhara mulombwana Abisalawu kohomala gondjihiwa!>

2 Samuweli 23:20

Eto ohokalawo mulombwana mmohiwa aitaniwa Benaya, mwana Joyada wa sidadi ya Kabizeli. Liye ali mulombwana wa kopolo eto oirana jengo jidjindji. Liye ohapa anyakondo ambinli a kopolo a Mowabe. Liye eto ohodowa mpa podogoma mmulihani, vati vagali neve.

Ezodu 15:15

Asogolrelri a ilambo ya Edomu kohokana kukumuwa ulukulu. Eto alombwana atene a kopolo a Mowabe na aliwene anangurumela na mwasa wa jatene jivwile atu. Mirima da atene anakala Kana dihimala nyungulruwa.

Izaiya 13:7

Nona manda ewa matene anoza kakale ovuta. Mirima diwa nnoza dinyungulruwe.

Izaiya 19:1

Ula gu muselu owonga zela Ijipitu. Kaing'anani, Yehova ugwela vamuramboni otamanga, unadowa Ijipitu. Vikwamutu josema jinoza jingurumele vamentoni va Yehova. Eto aIjipitu annyiwa mirima diwa nnoza dinyungulruwe muwari moova.

Detoronomiyo 1:28

Kodi hiyo nnafuna nidowe waani? Tchoira abalihu kohoninyungulrutcha mirima dehu kaniwandelaga keraga: <<Atu anafwanyeya wewule ba atu a kopolo eto atu olapa nikwaranya hiyo. Eto sidadi dewa nnafwanyeya dagali sidadi dilukulu eto dolimba, dokana muru fiyeda zulu. Eto wewule nahaona atu alukulu akuda Anaki.>> >

Eberewu 11:34

kohotimiha kopolo da munlo, kohotawa irwa wa supada. Siku naligi atu ovuta, kohovahiwa kopolo, kohokana kopolo dilukulu kawanaga kondoni, kohotamangiha makuru a anyakondo a vilambo da unde.

1 Samuweli 16:18

Evale namalaba mmohi ohowongaga eraga: <<Sidadi ya Beleme uhukalawo mulombwana mmohi uneriwa Jese. Liye uhumukana mwanaye mmohi unawanda imba pama arpa. Liye eto gu mutu olimba murima, mutu owanda wana, owanda wonga pama, mutu oriya eto liye gosogolrelriwa na Yehova.>>

1 Samuweli 18:17

Nomala eno, mwene Sawuli ohowonga na Davi, liye ira: <<Miyo nnafuna duvahe mwanaga wa mulukulu Merabe ula ira umutele. So ira miyo duvahe ira umutele, nnafuna ira weyo urome dilaba nnga munyakondo wapama ororomeleya eto uwanege kondo da Yehova.>> Sawuli airaga enne aumbuwela ira: <<Miyo nnafuna diirena eni ira Davi adowe apiwe kondoni na aFilistewu hiya ira dimpe miyo.>>