2 Samuweli 16:9 - Mazu Otchena a Mulungu

⁹ Abizayi mwana Zeruwiya agamuonne mulombwana Simeyi amutembelrelraga mwene Davi na makalelo anne, ohowongaga na mwene Davi, liye ira: <<Kodi mwasiwa gwa nni mwanambwa okwa ha wenna liye za utembelrelragani nyo mbwiyeni so mwene? Kadihiyeni miyo ira dimugwade muru waye!>>

2 Samuweli 16:9 ပူးပေါင်းရင်းမြစ်များ

2 Samuweli 19:21

Evale mulombwana Abizayi wenno mmaye ali Zeruwiya ohowonga eraga: <<Mbwiyeni, kodi mulombwana Simeyi ula kafwanenle kwa na mwasa omutembelrelra mwene wenno uhambihiwe na Yehova?>>

2 Samuweli 19:22

Mbwenye Davi ohomusumululaga eraga: <<Miyo kadinna pandi na nyo ana Zeruwiya. Nnga mwasiwa gwa nni nyo funaga kala amwidanaga? Miyo peno dili mwene wa Izarayeli, nona peno kalivo muIzarayeli unafuna kwa!>>

2 Samuweli 3:30

Fwanyeya ira Jowabe na mbalaye Abizayi, kampele Abineri mwana Neri na mwasa oira liye ohompa mbaliwa Azayeli kondoni, kawanaga Jibeyawu.

2 Samuweli 3:8

Evale Abineri agavwile enne, ohotakaleliwaga valukulu. Mwa enne ohonfuka Isbozeti eraga: <<Kodi weyo unaumbuwela ira miyo dili muru wa mwanambwa ofuna ja nlogo na Juda? Eto miyo fiyeda peno nnaairela upama atu a umwene wa babawo Sawuli na abalaye atene na afwaye atene. Eto miyo gunaukamihedetcha ira wahawande gondjihiwa na mwene Davi. Eto vazulu va jatene jejo kodi peno weyo unafuna udisanyege na mwasa wa muhiyana mmohi bahi?

2 Samuweli 9:8

Davi agawongile enne, mulombwana Mefibozeti ohokokoraga, aoramihedaga kove yaye vati, liye wakula eraga: <<Mbwiyeni miyo dagali mulombwana Mefibozeti nnafwanyeya dagali nnga mwanambwa okwene. Nnga miyo dili ani ira nyo mudiirele eno?>>

Ezodu 22:28

<<Kumululuvihe Mulugu nne kwaatembelrelrege asogolrelri a atwinyu.

Lukaji 9:54

Evale anamamuharaye ambinli Tiyagu na Juwawu kagaonne ejile, kohomuwongana Yesu keraga: <<Nabwiya kodi nyo munofuna ira hiyo nirumihe munlo zulu ira aze aatolotche atwala?>>

Joira ja Anamarumiwa 23:5

Vevale Pawulo ohoira: <<Abalaga, dileveleleni. Dawonga miyo eno, kadaona ira nnawonga na mundimuwa wa anamakuta. Mwasiwa mMazuni ihilrembiwa ira: <Kamuwonge ubure zela ndimuwinyu unausogolrelrani.> >>

1 Peduru 2:17

Mwaarihedege atu atene. Mwaaziveliwege adibilinyu. Mmuovege Mulugu. Mmurihedege eto perezidenti.

1 Samuweli 24:14

Nyo so mwene wa Izarayeli kaing'anani wenno munamuharahara nyo eto munamusaka nyo! Miyo dera diing'ane, miyo munadiharahara nyo nnafwanyeya dagali mwanambwa okwene, nari itutu yengo yohokana mabasa.