2 Samuweli 16:5 - Mazu Otchena a Mulungu

⁵ Mwene Davi agafiyile sidadi ya Bawurimi, ohozaga mulombwana mmohi eni wa muibalini mwa Sawuli, wenno aitaniwa Simeyi, mwana Jera. Liye ohozaga amutembelrelraga mwene Davi.

2 Samuweli 16:5 ပူးပေါင်းရင်းမြစ်များ

2 Samuweli 16:14

Evale mwene Davi vamohi na atu atene kafwanyeya na liye ulrendo wannaga atu ule, kowendagave kadowaga musogolrove ante aliwa dowa fiya tcherela ya muhindje Jordawu kagali owaheyene. Evale Davi ohovumaga.

2 Samuweli 16:4

Evale mwene Davi ohomuwandelaga Ziba eraga: <<Jatene ja mulombwana Mefibozeti, peno jinafwanyeya jagali jawo.>> Evale Ziba ohowongaga eraga: <<Miyo mbwiyeni so mwene, nnoukokorelani eto nnouvepani ira diwande fwanya mahala vamentoni venyu malambo matene!>>

2 Samuweli 16:6

Eto ohoromaga nvoka mabwe Davi vamohi na atene kamulaba, vamohi na atu atene kawenda vamohi na Davi, vamohi na anyakondo kamuwerewerile mwene Davi.

2 Samuweli 17:18

Mwa enne namalabole agaafwannye azombwale, aawandelaga, ohokalagavo muzombwe mmohi eni aaonnege. Muzombole agaonne ira: <<Aa, ala anafuna katukule mazu kamuwandele mwene Davi!>>, liye ohomaruwaga, liye dowa muwandela mulombwana Abisalawu. Mbwenye mulombwana Ayimazi na Jonata kadowilege mobaranya Bawurimi, vande va mulombwana mmohi eni. Vande va mulombwanole vohokalaga isime ya wanle. Aliwa kagafiyile evale, kohodowaga, aliwa morela muisimeni mule, aliwa vitala mwemule.

2 Samuweli 23:31

Abi-Albomi nkuda Ariba, Azimavete nkuda Bawurimi;

2 Samuweli 3:16

Mulombwana Palitiyeli agawakiwe muhiyanaye ule kamudowagana, liye ohoromaga ahara anlaga fiyeda sidadi ya Bawurimi. Evale Abineri ohomuwandelaga eraga: <<Kawelaga udowege vande!>> Noira eno, liye ohowelelaga mundulri.

Ezodu 22:27

Tchoira kapa ile tcheniyo imohive inavikunelana liye. Weyo wagoniha waninyu kapaye ile, mahiyu anne liye kanawanda gona, mwasiwa kanakana yovikunelana. Mwa eno, liye anla wa miyo, nnovwa, mwasiwa miyo dili wa tangaranga.

Ezodu 22:28

<<Kumululuvihe Mulugu nne kwaatembelrelrege asogolrelri a atwinyu.

Izaiya 8:21

Anoza kawendawendege ilambo muwari mwa goyi didjindji kaganna ndala. Na mwasa wa ndala yenno, anoza katakaleliwe, kaing'anege zulu, kamutembelrelrege mwene wewa eto kamutembelrelrege Mulugu wewa.

1 Samuweli 17:43

Mwa enne nFilistewu ule ohonfukaga Davi eraga: <<Kodi imiri unna we mmandani mwawo unaumbuwela ira: <Wenne gu mwanambwa, nnafuna dinkomena?> >> Nomala eno, nFilistewu ule ohomutembelrelraga muzombwe Davi na mazina a amilugu aye.