2 Samuweli 16:21 - Mazu Otchena a Mulungu

²¹ Evale Ayitofeli ohomuwakulaga Abisalawu eraga: <<Ugone na ahiyana ang'ono a babawo, anno waahiyile liye ira kaing'anelege vande vaye! Werana eno aIzarayeli atene anovwa makalelo anamwida we babawo fiyeda mutakaliha mozela agonana ahiyanaye. Era eno atene anawenda na weyo anolimbihiwa pama.>>

2 Samuweli 16:21 ပူးပေါင်းရင်းမြစ်များ

Jenesesi 34:30

Evale Jako ohomuwongana Simeyawu na Levi eraga: <<Nyo muhuditatamulela madugudugu no harahariwa. Muhusakanya ira annya a ilambwela akuda Kana na aFerizi kadiidege miyo. Nyo muhuiziwa ira hiyo kanili anene. Aliwa kera kagumanele na afwiwa amohiwa, kaza ira niwane, anoditolotcha miyo vamohi na vande vaga vatene.>>

Jenesesi 35:22

Mwa enne Izarayeli akalaga ilambo yenne, mwanaye Rubeni ohodowa mugonana Bila, babaye muhiyanaye wang'ono. Evale babaye ohovwa jejo jairile Rubeni. Jako ahimaye atene a alombwana kali kumi na ambinli.

Jenesesi 38:16

Evale Juda ohodowaga valigi Tamari mundila mule, liye muwongana eraga: <<Nnafuna digone na weyo>>, ahaiziwile ira ali nijaliye. Tamari ohomuwakula, liye ira: <<Wagona na miyo unafuna udivahe nni?>>

Jenesesi 6:4

Muwari mwa tempu yenne kohokalawo atu alukulu a kopolo kaitaniwa aNefili. Eto ahima a Mulugu ale kagaagonnena ahiyana ale, ahima kaabanle atu kali alukulu, a kopolo eto kali atu ovweya malambo anne.

2 Samuweli 10:6

Evale aAmoni na aliwene kagaonne ira: <<Eni Davi uhunitakaleliwa na makalelo abure zela jejo jaairilena hiyo atwaye>>, kohodowaga agula anyakondo owenda na mendo okwakwana 20.000 a akuda Siriya a ilambo ya Bete-Reyobe na akuda Siriya a Zoba. Eto kohagula alombwana a mwene Maka okwakwana 1.000 na alombwana 12.000 a akuda Tobe.

2 Samuweli 12:11

Yehova eto gunawonga ira: <Miyo nnafuna dizihe ubure okumela vande vawo eto nnouwaka ahiyanawo vamentoni vawo, didowe danvahe nfwawo mmohiwa. Liye unoagonana vatando vene.

2 Samuweli 13:5

Evale nfwaye ule ohowongaga eraga: <<Miyo nnafuna duvahe zelru. Akala unonfuna murongoliyo Tamari, ukale ogonantene nnga uli murenda enne. Evale tempu inafuna venya babawo ira aze aupande, adowaga umuwandele ira: <Miyo nnafuna mwamuwandele murongolaga Tamari aze apiye yodja vande evano, dimuing'anaga. Amala liyene aze adidjihe na mandaye ira didje.> >>

2 Samuweli 15:16

Evale mwene Davi ohosogolraga, atu atene kafwanyeya vande vaye kohomaruwaga kamuharaga mundulri mwaye. So musidadi mule Davi aahiyilemo ahiyanaye ang'ono kumi bahi ira kaing'anelege vande vale.

2 Samuweli 16:20

Evale Abisalawu agavwile enne, ohomuwongana mulombwana Ayitofeli eraga: <<Miyo nnafuna udiwandele inafuna hiyo ira veva. Kodi niire avi?>>

2 Samuweli 17:7

Mwa enne Huzayi ohomuwandelaga Abisalawu eraga: <<Iwongile mulombwana Ayitofeli fendo yenna kikanle!

2 Samuweli 2:7

Eto yengo imohiwa inauwandelani miyo tchi ila. Eni mwene wenyu Sawuli uhukwa. Vire liye akwa, akuda Juda kadihambihile miyo ira dikale mwene wewa. Nona miyo dafuna ira na nyenne mukale a kopolo eto olimba murima muwari modihara miyo, dikale mwene wenyu!>> > >>

2 Samuweli 20:3

Mwa enne mwene Davi agafiyile vande vaye Jeruzalemu, ohatukulaga ahiyanaye ang'ono kumi aahiyile liye ira kaing'anelege vande vale, liye dowa afungela mmba, aliwa kalagave mwemule. Liye eto nne mmba mule kavolowamo, so aavaha jodja bahi. Mwa enne ahiyanale kokalave ofungeliwene mmba mwemule nnga amakwele fiyeda siku nakwile atu.

1 Amwene 11:25

Eto liye ali mwidani kamuwanetchana aIzarayeli malambo matene a mwene Salomawu. Hiya goyi yaonihiwa atu na mulombwana Hadade bahi, aIzarayeli kohozuzumihiwa tambe na mulombwana Rezomi ule, mwasiwa liye oaidetcha aIzarayeli eto otongetcha ilambo ya Siriya.

1 Amwene 2:17

Liye ohoiraga: <<Miyo dafuna ira mudowe mwanvepe mwene Salomawu ira adivahe Abizage nkuda Sunemi ule ira akale muhiyanaga. Tchoira miyo dihiiziwa ira nyo mudowa mwanvepa, liye kaza akonda yenno ivepile nyo!>>

1 Amwene 2:22

Evale mwene Salomawu ohomuwakulaga mmaye ule eraga: <<Kodi mwasiwa gwa nni nyo vepaga ira Adoniya avahiwe Abizage nkuda Sunemi? Afwanele nyo mudivepaga ira miyo dinvahe Abizage vamohi na umwene watene. Tchoira liye unafwanyeya agali mbalaga wa mulukulu eto namakuta Abiyatare vamohi na Jowabe mwana Zeruwiya anafwanyeya pandi yaye.>>

1 Korinto 5:1

Ihimala vweya ira muwari mwa nyo muhukala mararuwelo abure kwaranya, anno masiki atu ohombalra Mulugu anakonda atu. Muwari mwa nyo uhukalamo eto mutu mmohi unangonana mwadi babaye.

1 Samuweli 13:4

Mwa enne aIzarayeli atene kohovwaga ira: <<Eni mwene Sawuli uhugondjiha nikuru na anyakondo a aFilistewu. Eto eni aFilistewu kohotakaleliwa na makalelo abure yenno isakanyile aIzarayeli.>> Mwa enne aIzarayeli atene kohowandeliwaga, aliwa za gumana vamentoni va mwene Sawuli Jiligali.

1 Samuweli 27:12

Mwene Akiji ule omuroromela Davi, mwasiwa liye aumbuweletcha ira: <<Davi unosimbwa harahara nlogo naye na aIzarayeli. Eni atu a nlogo naye anomwida. Na mwasa wenno uneregeve dilaba miyo kala no kala.>>