2 Samuweli 16:16 - Mazu Otchena a Mulungu

¹⁶ Evale nkuda Ariki, Davi nfwaye aitaniwa Huzayi wenno amurumile liye ule, agangumannena mulombwana Abisalawu ohoromaga kuwa eraga: <<Mwene oye! Mwene oye!>>

2 Samuweli 16:16 ပူးပေါင်းရင်းမြစ်များ

2 Samuweli 15:32

Evale mwene Davi afiyaga vazulu va mwango, vevo vamutamaleletcha atu Mulugu, mulombwana Huzayi, nkuda Ariki, ohozaga wa Davi. Fwanyeya ira liye azilege na bataye yagamanle kauwa eto mmuruni mwaye mwagali teyave.

2 Samuweli 15:34

Mbwenye wamuhara Abisalawu, udowa wanvepa ira: <So mwene miyo nnafuna duharegeni, dulabegeni, dikale namawelruza wenyu na makalelo nnga damuwelruza miyo babinyu>, waira eno mbwenye uhudikamiheda ira zelru da Ayitofeli dahalabe mabasa.

2 Samuweli 15:37

Mwa enne Davi nfwaye wenno aitaniwa Huzayi ule, ohowelelaga Jeruzalemu avolowaga tempu imohive yavolowa mulombwana Abisalawu musidadi mule.

1 Amwene 1:25

Tchoira peno eva eni liye uhudowa velela mikuto didjindji dene, ng'ombe na ana ng'ombe oruva na mabila eto waaitanne ahiminyu, na asogolrelri enyu a anyakondo na namakuta Abiyatare. Eni aliwa anadja eto anang'wa vamentoni vaye kawongaga keraga: <Mwene Adoniya oye! Oye!>

1 Amwene 1:34

Mwadowa, namakuta Zadoki na namafiyiheda Nata kamuhambihe ira akale mwene wa aIzarayeli. Mwagamanle muhambiha, muimbe palraza, mukuwe muire: <Mwene Salomawu oye!>

1 Amwene 4:5

Azariya mwana Nata ali musogolrelri wa maadiministaradore a mmadistiritu. Eto mwana Nata mmohiwa aitaniwa Zabude ali namakuta eto ali namawelruza wa mwene.

2 Amwene 11:12

Noira enne, namakuta ule ohomukumihaga mwana mwene ule, aliwa muwariha tchapowa wa umwene, aliwa nvaha Livuru na Malamulo, aliwa muhambiha umwene. Noira eno, kohoromaga kuwa kaimbaga manda keraga: <<Mwene oye! Oye!>>

Daniyeli 2:4

Mwa enne aBabiloniya ale kohomuwandelaga mwene ule na iwongelo ya iAramayiku keraga: <<So mwene, umwene wenyu udowegeve sogolro kala no kala. Hiyo nnafuna nyo muniwandelemo hiyo anamalaba enyu yoroha yenno irohile nyo, era eno, nnowanda tapulela uwa!>>

Daniyeli 5:10

Mwa enne mwenole Belisazare muhiyanaye na mwasa wa jowonga ja mwenole na jowonga ja andimuwale, ohozaga liye volowa mmba mwafwanyeyaga atu kadjaga pwando mule. Agavolowile, ohomuwongagana mwene Belisazare eraga: <<So mwene, umwene wenyu udowegeve sogolro kala no kala. Kamukukumuwe zela joumbuwela jenyu eto kove yenyu kikale yotchindjeyene.

Daniyeli 6:21

Evale mulombwana Daniyeli ohomuwakulaga mwenole eraga: <<So mwene, umwene wenyu udowegeve sogolro kala no kala.

Daniyeli 6:6

Evale aministuru ale na asogolrelri ale kagamanle vwanana, kohomaruwaga, aliwa dowa nfwanya mwene keraga: <<So mwene Dariyo, umwene wenyu udowegeve sogolro kala no kala.

Matewuji 21:9

Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>

1 Samuweli 10:24

Mwa enne Samuweli ohowonga na atu atene eraga: <<Wenna gu mulombwana wenno Yehova umusakunlre liye! Muwari mwa hiyo kalimo mulombwana okwakwanela na liye.>> Evale atu atene kohokuwaga keraga: <<Mwene oye! Oye!>>