2 Samuweli 16:1 - Mazu Otchena a Mulungu

¹ Mbwenye mwene Davi agakwaranyile vang'ono vazulu va mwango vale, mulombwana Ziba, namalaba wa Mefibozeti, ohozaga gumana na liye. Liye ohazagana aburu ambinli kaganna yogaratela vazulu viwa, kagatukunle pawu 200 na mazamwa 100 a uva oumma, na mazamwa 100 a jovaha jimohi jiwa, na kantilu mmohi osakanyiwa na tembe mwagazanle vinyu.

2 Samuweli 16:1 ပူးပေါင်းရင်းမြစ်များ

2 Samuweli 15:30

Evale Davi ohogwelaga nkuma wa Mitengo da Azeti no nla waye wene. Ohopotaga muru waye eto awendaga eno ahanna sapato. Eto atu atene kafwanyeyaga vamohi na liye kohomalaga pota miru diwa, kanlaga.

2 Samuweli 15:32

Evale mwene Davi afiyaga vazulu va mwango, vevo vamutamaleletcha atu Mulugu, mulombwana Huzayi, nkuda Ariki, ohozaga wa Davi. Fwanyeya ira liye azilege na bataye yagamanle kauwa eto mmuruni mwaye mwagali teyave.

2 Samuweli 19:17

Liye azaga, ohoza vamohi na alombwana 1.000 a nlogo na Benjami ira kamukamihede lambuwa. Fwanyeya ira Ziba wenno ali namalaba wa Sawuli na liyene ohozaga na ahimayene a anapongwe 15, vamohi na anamalabaye 20. Aliwa kohozaga muhindje Jordawu mobaranya sogolro wa mwene Davi.

2 Samuweli 19:32

Mulombwana Barizilayi eto ali mundimuwa oulula, anna yaka 80. Liye ali mutu orayela bure. Fwanyeya ira mwene Davi agali Mahanayimi, liye ohonvaha jodja.

1 Koronika 12:40

Eto atu kali vakwikwive na ale kali olapela nnga atu a malogo a Isakari, Zebuloni na Nafitali kohazelana jodja jidjindji kagagwelihile va aburu, akamelo, akavaru na ng'ombe. Jengo jiwa ti ji: Utu, mabolu osakanyiwa na jovaha ja mufigera, uva oumma, vinyu, azeti, ng'ombe na mabila. Mwasiwa mwilamboni mwa Izarayeli mohokala hagalala.

1 Samuweli 10:3

Jagamanle ireya eno, ionihedo yowelela, wagadowile sogolro, wafiya vamutengoni va karvaliyo unafwanyeya ilambo ya Tabori, unoafwanya alombwana araru anno anadowa ilambo ya Beteli ira kavelele mukuto wa Mulugu. Mulombwana mmohi utukunle mbuzi taru ding'onong'ono, mulombwana mmohiwa utukunle pawu taru, mulombwana waneraru utukunle tembe munafwanyeya vinyu.

1 Samuweli 16:20

Evale Jese agavwile milanyo darumihile mwene Sawuli, ohomuruma mwanaye Davi anvahaga pawu na tembe mwazanle vinyu na mwana mbuzi eni, liye gweliha vaburuni ira anvahe mwene Sawuli.

1 Samuweli 25:18

Abigayeli agavwile mazu anne, mobaranya ohotukula pawu 200, makantilu menli osakanyiwa na matembe a anavinyama mwagazanle vinyu, mabila matanu owotchiwa, na kilu 17 da tirigu owaringa, vitazi 100 da uva oumma, mabolu 200 osakanyiwa na jovaha ja mufigera jagali joumma. Jatene jejile ohogwelihaga vaburuni.