2 Samuweli 15:32 - Mazu Otchena a Mulungu

³² Evale mwene Davi afiyaga vazulu va mwango, vevo vamutamaleletcha atu Mulugu, mulombwana Huzayi, nkuda Ariki, ohozaga wa Davi. Fwanyeya ira liye azilege na bataye yagamanle kauwa eto mmuruni mwaye mwagali teyave.

2 Samuweli 15:32 ပူးပေါင်းရင်းမြစ်များ

2 Samuweli 1:2

Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda.

2 Samuweli 13:19

Evale agakumile mmba mule, ohovizoliha murwaye ndora, liye kawula bataye yolapa ile, liye pwatela mandaye, liye nlaga adowaga vande.

2 Samuweli 15:30

Evale Davi ohogwelaga nkuma wa Mitengo da Azeti no nla waye wene. Ohopotaga muru waye eto awendaga eno ahanna sapato. Eto atu atene kafwanyeyaga vamohi na liye kohomalaga pota miru diwa, kanlaga.

2 Samuweli 16:1

Mbwenye mwene Davi agakwaranyile vang'ono vazulu va mwango vale, mulombwana Ziba, namalaba wa Mefibozeti, ohozaga gumana na liye. Liye ohazagana aburu ambinli kaganna yogaratela vazulu viwa, kagatukunle pawu 200 na mazamwa 100 a uva oumma, na mazamwa 100 a jovaha jimohi jiwa, na kantilu mmohi osakanyiwa na tembe mwagazanle vinyu.

2 Samuweli 16:15

Mulombwana Abisalawu vamohi na atwaye atene a Izarayeli kohofiyaga Jeruzalemu. Eto mulombwana Ayitofeli mwa tempu yenno afwanyeyaga vamohi na aliwa.

2 Samuweli 17:5

Noira enne, eto mulombwana Abisalawu ohowongaga eraga: <<Kamuitaneni eto mulombwana Huzayi nkuda Ariki ira nivwe tambe inafuna liye wonga!>>

1 Amwene 11:7

Salomawu ohodowa mwango unafwanyeya makumelo wa nzuwa wa Jeruzalemu, liye manga nimburo notama na mukuto wa mulugu otakaletchetcha wa akuda Mowabe wenno aitaniwa Kemuji eto ohomanga ibuwa imohiwa para mulugu otakaletchetcha wa aAmoni aitaniwa Moloki.

1 Amwene 4:16

9. Bana mwana Huzayi: Liye asogolrelra pandi ya Azeri vamohi na sidadi ya Beyaloti.

1 Koronika 27:33

Ayitofeli ali namawelruza wa mwene. Huzayi nkuda Ariki ali mwene xamwalraye omukamiheda zelru.

Lukaji 19:29

Awandamelaga tatamo da Betifaji na Betaniya, agali mwango unaitaniwa Mitengo da Azeti, oharumaga anamamuharaye ambinli sogolro waye,

Jozuwe 16:2

Kuma sidadi ya Beteli, madilriwa kodowave ante sidadi ya Luji, ante dowa fiya sidadi ya Ataroti, wewo wakala akuda Ariki.

1 Samuweli 4:12

Mwa enne ohokalawo mulombwana mmohi wa nlogo na Benjami avuluwilege kondoni ule. Siku nimohive nenne, liye ohotamanga ante dowa fiya ilambo ya Silo. Afiyaga, afiyile agamanle kawula jowara jaye eto aganna teya mmuruni mwaye muwari motonyiheda kumbanya waye.