2 Samuweli 15:27 - Mazu Otchena a Mulungu

²⁷ Davi ohowongagave na namakuta Zadoki eraga: <<Weyo kuli namaona? Uvenye weyo na Abiyatare, muwelelege musidadi mwa murendele eto mwadowaga, mwaatukule ahiminyu ambinli, mwanawo Ayimazi vamohi na Jonata mwana Abiyatare.

2 Samuweli 15:27 ပူးပေါင်းရင်းမြစ်များ

2 Samuweli 15:34

Mbwenye wamuhara Abisalawu, udowa wanvepa ira: <So mwene miyo nnafuna duharegeni, dulabegeni, dikale namawelruza wenyu na makalelo nnga damuwelruza miyo babinyu>, waira eno mbwenye uhudikamiheda ira zelru da Ayitofeli dahalabe mabasa.

2 Samuweli 15:36

Eto ahimiwa ambinli Ayimazi, mwana Zadoki, na Jonata mwana Abiyatare, anafwanyeya wewo. Aliwene banazege kadiwandelege jatene jinavwege we wewule. Waira eno mbwenye uhudikamiheda!>>

2 Samuweli 17:17

Evale Zadoki na Abiyatare kohomuwandela namalaba mmohi wa muhiyana, wenno kanvahile atu mabasa ira atamangegena joireya amuwandelege Jonata na Ayimazi, anno kali aliba fiyiha jowonga jatene wa mwene Davi. Tchoira Jonata na Ayimazi, kamudediha namwali ule wandamelana isime ya Rojeli, tawiha ira kera kavolowe musidadi mule, tempu inakumege atu ira kadowe kamuwandele mwene Davi, anaoniwe na atu.

2 Samuweli 18:19

Kondoni ule Ayimazi mwana Zadoki ohowongaga eraga: <<Miyo nnafuna ditamange, didowe wa mwene Davi damuwandele ira: <Peno Yehova uhaweliheda kunyakunya amwidaninyu!> >>

2 Samuweli 24:11

Noira enne, mmetcheloni muwa, mwene Davi agavenyile na mabebehene, mazu a Yehova kohozaga wa namafiyiheda Gadi, namaona wa Davi ira:

1 Amwene 1:42

Evale awongagave enne, tchi tempu yafiyaga mulombwana Jonata mwana namakuta Abiyatare. Adoniya agamuonne Jonata azaga, ohowongaga eraga: <<Kafiya, mwasiwa weyo uli mulombwana wapama. Eto unazana jengo japama ira uniwandele!>>

1 Amwene 4:15

8. Ayimazi wenno amutenle Basemate mwana mmohiwa wa Salomawu: Liye asogolrelra pandi ya Nafitali.

1 Koronika 25:5

Atene anna kali ahima a Emani namaona wa mwene. Mulugu ohonvaha ahima 14 a anapongwe na ahima araru a anavihiyana amuulukulihaga nnga mwemo mwapanganne liye ahimale kahanabaliwe.

1 Koronika 6:8

Ayitube ohombala Zadoki, Zadoki ohombala Ayimazi,

1 Samuweli 9:6

Mbwenye namalabole ohomuwakulaga, liye ira: <<Kadediha. Tchoira musidadi mu muhukala mutu mmohi wa Mulugu wenno unarihediwa na atu atene, tchoira jatene jinawonga liye jinoireya. Ndowemo nawonge na liye, kalekale awande nitonyiheda wewo unafwanyeya aburu.>>

1 Samuweli 9:9

(Wanle, mutu afunaga nfuka Mulugu yengo, awongetcha ira: <<Nnafuna didowe dawonge na namaona.>> Tchoira atu anno nnaaira hiyo anamafiyiheda malambwala, tempu yenno kaitaniwetcha anamaona.)