2 Samuweli 14:9 - Mazu Otchena a Mulungu

⁹ Evale mwana muhiyana wa Tekowa ule ohomuwakulaga mwene Davi eraga: <<Mbwiyeni so mwene miyo vamohi na abalaga nnorumelela mulandu uli watene unafuna uzelani. Mbwenye nyo vamohi na umwene wenyu watene kamunakana mulandu!>>

2 Samuweli 14:9 ပူးပေါင်းရင်းမြစ်များ

Jenesesi 27:13

Evale mmaye ohomuwakulaga, liye ira: <<Nari, mwanaga. Akala liye unoutembelrelra, otembelrelreya akale miyo. Weyo uirena yenno yurumile miyo. Udowe watukule mbuzi, uzena.>>

Jenesesi 43:9

Miyo gunafuna murumelela. Miyo dahamuzena liye agali wapamene, muditonge na makalelo munafune nyo. Nyo podi dibalra miyo nnga mutu wabure vamentoni venyu kalawo waga watene.

2 Samuweli 14:10

Evale mwene Davi ohomuwandelaga muhiyanole eraga: <<Miyo nnoirana yenno iwongile we. Eto wadowa vande mutu wenne unavenye aza aukukumulaga akoka na mazu anno, umuzena uno! Umuzanave uno, miyo nnomulaba ira ahawelele ukukumula akoka.>>

2 Samuweli 14:8

Evale mwene Davi ohomuwakulaga muhiyanole eraga: <<Venya udowege waninyu. Miyo nnoaruma atu ira kadowe kasakanyede jatene jiwongile we!>>

1 Amwene 2:33

Mwa eno, mulandu wa sangiri na atu ambinli ale, unafuna welihediwa kunyakunya gu mulombwana Jowabe vamohi na ahimaye kala no kala. Mbwenye Yehova uneregeve nvaha murendele Davi na ahimaye na vande vaye vamohi na umwene waye kala no kala.>>

Matewuji 27:25

Noira enne, mwindji watene kohowakulaga keraga: <<Sangiri na mutula, nikale na hiyo vamohi na ahimihu!>>

1 Samuweli 25:24

Evale Abigayeli ohokokoraga vamanyaloni vaye amuwandelaga eraga: <<Mbwiyeni, zela jatene jiireyile, unafuna rumelela gu miyene. Nnouvepani mudihiye miyo namalaba wenyu ira diwonge eto muvwe yenno inafuna miyo wonga.