2 Samuweli 14:4 - Mazu Otchena a Mulungu

⁴ Evale mwana muhiyana wa Tekowa ule ohodowa vamentoni va mwene Davi. Aganfwanyile mwene Davi, ohomukokorelaga afiyihaga kove yaye vati. Evale ohoromaga wonga eraga: <<Miyo so mwene nnouvepani ira mudivulumutche.>>

2 Samuweli 14:4 ပူးပေါင်းရင်းမြစ်များ

2 Samuweli 1:2

Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda.

2 Samuweli 14:22

Evale mulombwana Jowabe ohodowaga, liye mukokorela mwene Davi aoramihedaga kove yaye vati, liye mureliha mwene eraga: <<Miyo peno dihiiziwa ira nyo mbwiyeni so mwene mudifwewela murima. Tchoira nyo muhurumela yovepa yaga, miyo namalaba wenyu.>>

2 Samuweli 14:5

Evale Davi ohonfuka muhiyanole, liye ira: <<Makatamiho bavi anafwanyeyana we?>> Muhiyanole ohoromaga muwandelamo eraga: <<Miyo dili makwele, mamunaga gukwile.

2 Samuweli 18:28

Mulombwana Ayimazi ule agazile, aganfwanyile mwene Davi, ohomukuwelaga eraga: <<Jatene jili japama jene.>> Noira enne, ohozaga, liye mukokorela mwene Davi, aoramihaga kove yaye ante fiyiha vati, liye kwi: <<Otamaleliwa akale Yehova Mulugu wenyu, wenno waavelenle mmandani mwihu amwidaninyu anno kafuna joupani nyo mbwiyeni so mwene!>>

1 Samuweli 20:41

Mwana muzombwe ule agavennyevo, Davi ohovituwa hela wa mabwe waligi liye ule, liye dowa vali Jonata vale, liye mukokorela fendo taru afiyihaga kove yaye vati. Evale aliwa kohobejarigina kanlaga. Eto nla wa Davi wohosimbwaga, hiyaniha no nla wa Jonata.

1 Samuweli 25:23

Evale Abigayeli agamuonne Davi azelaga ha wewule, ohotitaga vaburuni vale mobaranya, liye dowa mukokorela mulombwana Davi afiyihaga kove yaye vati.