2 Samuweli 14:32 - Mazu Otchena a Mulungu

³² Abisalawu ohomuwakula Jowabe ira: <<Miyo dohourumiheda milanyo ira uze uno. Tchoira miyo dafuna durume ira udowe wa mwene eto weyo kuzilewo. Miyo duitanihaga ali ira durume udowe wa mwene, wawonge ira: <Mwanawo Abisalawu unafuka ira kodi mwasiwa gwa nni mudiwelihagawo ilambo ya Jesuri? Yali yapama mwahadihiyilege dikalaga wewule!> Nona miyo nnafuna didowe vamentoni va mwene damwinnya, liye adifwanyana yabure, aire dipa wene.>>

2 Samuweli 14:32 ပူးပေါင်းရင်းမြစ်များ

Jenesesi 3:12

Adawu ohowakula eraga: <<Muhiyana wenne mudivahile nyo ira akalege na miyo, gwenno udivahile yovaha ya mutengole, miyo dja.>>

2 Samuweli 13:37

Mulombwana Abisalawu vampile liye mbalaye Aminoni, tawa watawile liye ule, adowile kala na mwene wa ilambo ya Jesuri aitaniwa Talimayi, mwana Amiyude. Eto mwene Davi okalave amukumbanyaga mwanaye Aminoni malambo matene.

2 Samuweli 14:31

Mwa enne mulombwana Jowabe agaonne ira: <<Mundaga uhuja>>, ohovenyaga, liye dowa nfwanya mulombwana Abisalawu vande vaye, liye nfuka ira: <<Kodi mwasiwa gwa nni anamalabawo katumeyele atu mundaga?>>

2 Samuweli 3:3

Wanembinli aitaniwa Kileyabi, wenno ambanle liye na muhiyanaye Abigayeli, wenno ali mwadi Nabali nkuda Karimele. Mwana waneraru aitaniwa Abisalawu, wenno ambanle liye na Maka mwana Talimayi, mwene wa Jesuri.

Ezodu 14:12

Nagali muIjipitu hiyo kanawongile vale na weyo ira: <Unihiye mwemuno, naalabege aIjipitu.>? Tchoira yali yapama naalabege aIjipitu hiyaniha no za kwela muisalesaleni muno.>>

Ezodu 16:3

aliwa wongaga keraga: <<Yali yapama Yehova ahanipe Ijipitu wewule wali hiyo, wewo wafwanyeya hiyo naganna jombwe jozala nyama eto wadja hiyo pawu fiyeda gomana. Tchoira munizilena uno ira munipe hiyo atene na ndala.>>

Ezodu 17:3

Mbwenye na mwasa osanyeya na ntona, Ana Izarayeli kohoroma wonga ubure zela Mozeji keraga: <<Mwasiwa ali wa nni unikumihaga muIjipitu? Kodi ali ira unipe na ntona roma hiyo, ahimihu, na jifuwo jihu jatene?>>

Matewuji 25:44

Evale aliwa anoza kanfukege keraga: <Nabwiya, kodi siku tivi nauonnegeni hiyo nyo mwaganna ndala, nari ntona, nari mwagali mulendo, nari mwagali mandave, nari mwagali murenda, nari mwagali mukadeya eto hiyo nahaukamihedani?>

Roma 3:19

Hiyo nihiiziwa ira malamulo kohovahedeliwa atu anno katongiwe ira kaharihegemo malamulo ira kagaonne rutcha wa malamulo, kahakayena yowonga eto atu atene a ilambo ya vati kagwena mulandu vamentoni va Mulugu.

1 Samuweli 15:13

Noira eno, Samuweli ohomusakaga Sawuli fiyeda nfwanya. Aganfwannye, Sawuli ohowongaga na Samuweli eraga: <<Yehova aureliheni! Miyo dihimala irana jatene jadirumile Yehova.>>

1 Samuweli 20:8

Nnouvepa ira udiirele miyo namalaba wawo upama, mwasiwa weyo wohosakanya yopangana yowandana na miyo vamentoni va Yehova. Mbwenye akala miyo duhusakanyela ibure, weyo udipe wa mwinnya, hiyaniha no divaheda mmandani mwa babawo ira adipe.>>