2 Samuweli 14:17 - Mazu Otchena a Mulungu

¹⁷ Miyo eto daumbuwela ira: <Inafuna wonga mbwiyaga mwene, inodizeliha murendele.> Tchoira miyo dihiiziwa ira nyo mbwiyeni so mwene muli nnga mungelro wa Mulugu eto nyo munowanda iziwa upama na ubure. Yehova Mulugu wenyu akale na nyo.>>

2 Samuweli 14:17 ပူးပေါင်းရင်းမြစ်များ

2 Samuweli 14:18

Evale mwene Davi ohowongaga na muhiyanole eraga: <<Miyo nnafuna dufuke weyo ira udiwandele ibaribari, nne kudikuwe.>> Muhiyanole ohowakulaga, liye ira: <<Kawongani mbwiyeni so mwene!>>

2 Samuweli 14:20

Eto liye aza adiwandelaga jatene jejo ira dize diwonge na nyo, ali ira jengo jitchindjeye. Nyo mbwiyeni muhukana zelru nnga mungelro wa Mulugu, muhuiziwa jatene jinaireya mwilamboni ya vati.>>

2 Samuweli 19:27

Eto liye agazile, agaufwanyileni, uhuwonga jonama jaye jaiziwile liye wa nyo mbwiyeni so mwene. Nyo mbwenye muli nnga mungelro wa Mulugu. Malringana muirena nnga munaonela nyo mbwiyeni so mwene!

2 Samuweli 19:28

Tchoira abali atene a babaga kohofwanela ira mwaape na ubure watene wanna atu zela nyo, mbwenye nyo mbwiyeni kamuirilena, muhuwanda divaha miyo upama, miyo djaga meza imohive na nyo. Miyo eto kadinnamo ira nnouvepani yengo imohiwa nyo so mwene!>>

1 Amwene 3:28

Jagaireyile enne, aIzarayeli atene kohovwaga zela makalelo atongile mwene Salomawu mulandu wenne. Mwa enne kagavwile, kohoroma muriheda valukulu, tchoira kohowanda ona ira Mulugu uhunvaha zelru ira awandege tonga mwa ibaribari.

1 Amwene 3:9

Mwa eno, miyo kannafuna yengo imohiwa. So nnafuna mudivahe zelru ira diwandege atonga atwinyu oindjivetchetcha mwapama eto diwandege hiyanihavo yapama na yabure. Kodi bani unawande atonga atwinyu oindjiva eni, ahakale nyo munvaha zelru?>>

Eberewu 5:14

Mbwenye tchima ili para mutu olimba muwari mwa nroromelo wenno unawanda hiyanihavo upama na ubure mwasiwa liye ulemela hiyaniha yapama na yabure.

Jozuwe 1:17

Hiyo nnerege uvwelelani nyo na makalelo nnga nanvweleletcha hiyo mulombwana Mozeji mwa jatene. Eto Yehova Mulugu wenyu akaleve na nyo na makalelo nnga ali liye na Mozeji.

1 Samuweli 29:9

Akiji ohowakula, liye ira: <<Miyo dihiiziwa jejo eto nnouona kala ororomeleya nnga mungelro wa Mulugu. Mbwenye asogolrelri a anyakondo afwaga bawongile ira: <Hiyo kannanfuna Davi ira adowe vamohi na hiyo kondoni.>