2 Samuweli 13:37 - Mazu Otchena a Mulungu

³⁷ Mulombwana Abisalawu vampile liye mbalaye Aminoni, tawa watawile liye ule, adowile kala na mwene wa ilambo ya Jesuri aitaniwa Talimayi, mwana Amiyude. Eto mwene Davi okalave amukumbanyaga mwanaye Aminoni malambo matene.

2 Samuweli 13:37 ပူးပေါင်းရင်းမြစ်များ

2 Samuweli 13:34

Eto fwanyeya ira mulombwana Abisalawu ohotawaga. Mwa tempu yenne muzombwe wenne anna mabasa oing'anela ndila ohaonaga atu oindjivene kaviraga ndila yafwanyeya pandi ya mwangoni.

2 Samuweli 13:36

Evale mulombwana Jonadabe amarihaga wonga pafiyaga ahima a mwene Davi, aliwa roma tomola kuto. Evale mwene Davi vamohi na anamalabaye atene kohoromaga nla valukulu vene.

2 Samuweli 14:13

Evale muhiyanole ohowongaga na mwene Davi eraga: <<Nnga mwasiwa gwa nni mwahasakanyaga mulogo wa Mulugu na makalelo nnga munadirumela nyo yovepa yaga peno va? Tchoira nyo mwadirumelaga mazu aga peno va eni, munavimanga mulandu. Mwasiwa nyo muhuwanda mukonda mwaninyu ombala ira awelele vande vinyu, wenno atawile.

2 Samuweli 14:23

Noira enne, mulombwana Jowabe ohomaruwaga, liye dowa ilambo ya Jesuri, mutukula mulombwana Abisalawu, muzana sidadi ya Jeruzalemu.

2 Samuweli 14:32

Abisalawu ohomuwakula Jowabe ira: <<Miyo dohourumiheda milanyo ira uze uno. Tchoira miyo dafuna durume ira udowe wa mwene eto weyo kuzilewo. Miyo duitanihaga ali ira durume udowe wa mwene, wawonge ira: <Mwanawo Abisalawu unafuka ira kodi mwasiwa gwa nni mudiwelihagawo ilambo ya Jesuri? Yali yapama mwahadihiyilege dikalaga wewule!> Nona miyo nnafuna didowe vamentoni va mwene damwinnya, liye adifwanyana yabure, aire dipa wene.>>

2 Samuweli 15:8

Mwasiwa miyo namalaba wenyu dikalaga Jesuri mwilamboni mwa Siriya, doholumbela wa Yehova ira: <Yehova mufiyeda diweliheda muJeruzalemu akoka, miyo nnoutamalelani muwari movelela mukuto!> >>

2 Samuweli 3:3

Wanembinli aitaniwa Kileyabi, wenno ambanle liye na muhiyanaye Abigayeli, wenno ali mwadi Nabali nkuda Karimele. Mwana waneraru aitaniwa Abisalawu, wenno ambanle liye na Maka mwana Talimayi, mwene wa Jesuri.

1 Koronika 3:2

Waneraru ali Abisalawu, wenno mmayiwa ali Maka mwana Talimayi mwene wa Jesuri. Wanennayi aitaniwa Adoniya, wenno mmayiwa ali Ajite.